أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يهلبت تشتهـَي عيونـي
وأغرگ شـوف
وبمواكـح عيونـك يرد بيـه الخوف
يمتـه اوگف بشفتـك آووف !

 

[mohammed.shams]

شفتهن بيك كل اثار الافراك
عليمن مستحي فاركني ورتاح

كبر جرحي بغيابك صار ميشوف
تكوده الناس وتعبره الشارع

جبت بيدي ملح رشيت الجروح
ردت وياك حته بجرحي اغزر

 

[mohammed.shams]

جذع نخله بغيابك لارطب لاماي
اجيب منين مريم خاطر اتهزني

 

[mohammed.shams]

التارك حبيبه بصدره غصة ناي
من يعزف دمع يجرح جفن عينه

 

[mohammed.shams]

قلبي همسه لقلب شخص اخر
بقلب حزين ومكسور
فاقد الدفء والحنان
مجروح جرحاً مؤلماً

 

[mohammed.shams]

وين صرتو !!
وليش هيجي بسرعه غبتو!
والله مخنوكه السولف .
مهرجان ابالي شايل بس عواطف .
وجذبت من كال عنكم انتو متو !
وين صرتو!!
تكسر الخاطر صفنتي
مرافك الدمعه ونست شفتي ضحكتي
اسأل الصوره عساه وياي تحجي
ها يبوي وهايعمي
ليش ناقص عمر عني بسرعه رحتو!
أي وين صرتو

 

[mohammed.shams]

فك عينك عدل واستوضح شيحجون ..
الفقير بهالوكت ما ينسمع رايه
مو كلمن قرالك آيــه تامن بيه
لأن فوك الذبيحه وتنقري الآيه !!..

 

[mohammed.shams]

من كثر الندم
بسمار بيدي دكيت
لان ماتنفع بعـد عــــظة الاصــابع

 

[mohammed.shams]

من اموتن ابنولي
كبر كـلش جبير
لأن كل امنياتي اوياي ماخـذهــن

 

[mohammed.shams]

والله زحمة تحب #خفيفة
شغلة ما بيها فخر
بحجة اني #اجتماعية
تعوفك و تحجي وية مية
وهية اصلا مو #شريفة
و ع الفقير تذب ثگلها
و للحلو باعت حتى #اهلها
ويمك تگولن امامه
و تلبسلك حتى #عمامة
ويمهم بلاية ملابس
ويمك يصير وجها عابس
ويم غيرك بخفتها ريشة
وللغني كسرت #الشيشة
وهنا تخلص القصة ؟؟
يبني ما تسوه تحن
بت ملاهي هواي اشرف
ع الاقل ما يستحن