أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ومرة
اشتهيت #ابتسم
بس ما صارت القسمة
شنهو يا #يمة
متنسية بحزن ظلمة

 

[mohammed.shams]

الله ياخذ روح البنيه التخون

وبجهنم رايد يذبونهه

ولي تزوج غريب وموحبيب؟

كون حدهه اسبوع ويطلكونهه

 

[mohammed.shams]

يا ريحة اهلنا يا زمان الفات
يا طيبة ومحنة وگلب وافي
صح چان الفقر موجود بالناس
بس چانت قناعه وبال صافي
چان البيت والتنور من طين
مثل حضن امي چان البيت دافي
وطعم ذاك الخبز مو طعم خبز اليوم
بيه ريحة حطب للعله شافي
چان العطف والاخلاص موجود
ومن كل حقد چان الگلب خالي
مو بس الگلب شايل نظافه وطيب
حتى الكاع طيبه و لون زاهي
وأظن مو من فقر حافي البشر چان
بس گاعه نظيفة ويمشي حافي

 

[mohammed.shams]

گمت اشتاك للتابوت ريحه مگبره
ابالي شوكت تمرني عزرائيل
ظل طرواك يحلالي اخدني هناك
كلها اعزاز عندي بكل كبر غالي

 

[mohammed.shams]

رجل عجوز نظر الى فتاة
فقال لها : ريت الشباب يعود واتعنه لهلج
وربت الخوات هواي وبيهن ابدلج
قالت له : ياجدي وكتك راح والنفس خضره
عيب الحجي بشوك للكاظي عمره
فقال لها : ياترفه خضرة الروح وليش التعدي اثرت
بيه هواي جلمة يجدي
قالت له : الاتزعل من الريم لو مشت عنك دور على اليهواك
من صغر سنك
فقال لها : ادري بقطار الشوك مروجفاني ودارن
عليه اثنين شيبي وزماني

 

[mohammed.shams]

يه اول ليل باك من الصبح جنحين
واتلكه الفجر مفتاح

أريدك طيف من اصحه الصبح ينلاح

 

[mohammed.shams]

شكثر سولفت للشمعات
بلكي تجيب طاريهم…
شكثر وصّيت
حتى المالهم خبرة وعرف بيهم...
شكثر فوگ النهر خلّيت
چم دمعة ورسايل شوگ
واتعذّرني ساعي الماي
مايندل شواطيهم…..
شكثر ..وشكثر
لمّن راحن ويه الروج
دمعاتي ورسايلهم واساميهم… ..

 

[mohammed.shams]

لاتمشي ويه ناس الموعدل يمشون
ولاتقبل حچي الماشايفه ابعينك
تره السانك حصانك لاتعلمه ايهين
اذا منك تعلم باچر ايهينك
اذا ماشيت أحد لاتخونه ابيوم
خل دم الوفه يجري ابشراينك
وخل يضحك گلامك من يچهبك ضيف
وعله گلمت هله علم فناجيك
بكاع العاشرك لاتزرع العاكول
على زرع الورد عودها چفينك
من عيون اليتامه شيل دمع العوز
وبعيون المذله ازرع سچاچينك
ولاتتعلى فوك اعله الذي علاك
لأنك لو طحت تحتاج اليعينك

 

[mohammed.shams]

أّلَوِګعٌ مَنِ عٌيِّنِيِّ بِعٌدِ #مَأّشٍيِّلَهِ
أّلَمأَّيِّحٌّس #بِجِروِحٌيِّ مَأّأّشٍګيِّلَه
أّلَمَأّيِّغٌزِّر بِيِّ مَلَحٌ #وِيِّأّهِ مَأّيِّنِفِّعٌ صٌلَحٌ
أّلَعٌأّفِّنِيِّ وِمَأّردِلَيِّ #لَيِّشٍ ّأّمَشٍيِّلَهِ

 

[mohammed.shams]

الشريفة بهالوكت فد شي غريب
عدها عقدة و حالة لو عدها أكتآب
الشرف شنهو الشرف فد شي قديم
هسة وكت التجذب عيون الشباب
واللبس كلة خصر مضياك حيل
والعَبَايَة مخصرة وفيكة الحجاب
الكحلة والمكياج هم هذا عتيگ
هسة وكت ( التاتو ) والفن بالحجاب
اني اريدن وحدة قدوتها البتول
زينبية وتحمل أخلاق الرباب