أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

- مثل عود العنب يابس وايست منه وطويته
- دوره ..؟
- كَتلك مالكيته
- ليش عفته ...؟
- اعطشت مره وما سكاني ... وعطش مره وما رويته
- شوف صندوك الاسرار
- بدون رزه وكل حجي البيهن حجيته
- شوف عينك ...؟

 

[mohammed.shams]

- ماكو بيها
- شوف عينك..؟!! - جان بعيوني .... وبجيته ...

كاظم اسماعيل الكاطع

 

[mohammed.shams]

هي غربة ..
غربه وعيون اليشبهونك شحيحه !!

 

[mohammed.shams]

#بـــــس تعـــال

#او شـــوف روحـــــي

#اشـــگــــد خــطیــــه

#ظـــــلــت ادور سبــــب

#خـــاطــر تــعــیــــش

 

[mohammed.shams]

حزن النواس

أجوع ..
ومنهو يدري بحالي جوعان؟
الينشدني أكَله أتوسط الخير
هواي تنازلوا من مسهم الضيج
وانه..
إعله الماي اغمس خبزة شعير
مامديت چفي بحجة العوز
ونمت جوعان يم اهل التنانير!!

صدگ مجروح
بس ماعوفك أوحيد
تلوع أطفال وتنوح القوارير
وگفت جروح واتحملت السيوف
ومشيت أدروب مزروعه بمسامير
وصحت مابيع
والغير أشترى وباع
ولابدلت حبكم بالدنانير؟

 

[mohammed.shams]

صحيح أتبدلت
بعض العناوين
وصحيح أتغيرت
بعض التصاوير
بس ظليت ثابت رافع الراس
أصيل ويكتب بچفه المقادير
أهدعش كوكب سجدلي وماتعاليت
وكتمت اسرار اخوتي وقصة البير!!

 

[mohammed.shams]

أنه..
بگاعك زرعت جروحي دايات
ثارن دون ساتركم شواجير
وجبت الگاعنه النوماس نيشان
وصفن عشرين مليون الاساوير

 

[mohammed.shams]

جبل حمرين
أخذ من خوذتي اوشاح
وتتبعني الخنادق وين ماسير

 

[mohammed.shams]

أمس قرصي وهويتي تعنوا البيت
دگو بابنه بحجة مسايير
گالوا لامي وين الچان عنوان؟!
عدل ، ميت؟؟
نريد اليوم تفسير؟
يخاله الطف بدت والطاغيه يجول
ونريد حسين محد يقبل يصير!!!

 

[mohammed.shams]

توضه بدم وريدي وكبّر السيف
ونوح أمي مأذن خضرّ ودير