أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

حين يأتي ألليل ويصبح ألصمت سيد الأشياء ...
تبدأ رحلتي في عالم ألصمت الكئيب ...
أمر في طريقي على مأتم الأشواق ...
أواصل مسيرتي وتعصف بي ريح ألشتاء ...
تخيفني ألظلمة ألسوداء حتى يغالبني ألنعاس ...
فأنام على شواطئ الأوهام ...
وأمنح ألليل حلماً جديداً ...
حلماً لاأرى فيه أشباح أيامي ألماضيه ...
حلماً أنسى فيه جراح ألأمس ألقاسيه ...
فألى أين يقودني مصيري .. لا أعلم ...
ولاأعرف شئ عن مايحمله لي ألغد ...

 

[mohammed.shams]

گاعد أگبال ألبحر وأتأمل ألأمواج ...
يايمه غربه ودمع والشوفتچ محتاج ...
دم ولحم هذا ألبشر مو من حديد وصاج ...
من بعدچ أني أتمرمرت صار ألحزن أفواج ...
مسجون طول ألعمر مايوم أجاني أفراج ...
صدگيني من أشتاگ ألچ مثل البحر لو هاج ...
تبقه ممثل يابشر وألزمن بالأخراج ...
وتبقين أنتي ألعلم وأنتي الملك والتاج ...

 

[mohammed.shams]

أريدك لو نمت تتخيل الأموات ...
وتخلي المقابر دوم عد عينك ...
حياتك يابشر صدگني رمشة عين ...
وشوف أشلون گاعد تركض أسنينك ...
أبد لاتلتهي بالدنيا أترجاك ...
وحافظ عن صلاتك وأحتضن دينك ...
لأن وكت الممات أعمالك أنته أوياك ...
لا أم .. لا أخو .. تتصور أيعينك ...

 

[mohammed.shams]

روحي صبيره ومشه بيهه الرمل شمسين

 

[mohammed.shams]

ما غيرت ألأسود بعده وياي ...
أغير گمت بس أبنوع ألأقماش ...
ومن يوم الرحت ما شفت كل نوم ...
واذا متثق تعال وحلف ألأفراش ...
نمت بس مره وحده وبيها تعبان ...
ومو بفراشي أبشرك لا بالأنعاش ...

 

[mohammed.shams]

مانسيتك
بس شفت عينك تريد فراك .
وانته تدري ؟ ما ارد لعيونك طلب.

 

[mohammed.shams]

♡☆حااجيني ..
اشتهيت اخجل

 

[mohammed.shams]

نـتانيك حد يا ليل ..
حــد يـاشيب
عتـگت روحنه وعتـگت نوايانه !!
شــوكت ياطيف تلـگانه ...

 

[mohammed.shams]

مرّة گلتيلي أرد أشمك والله بگليبي إنتچه
وصارت الغربان بيض ، ومدري چم خنجر بخاصرتي حچه
مدري چم شيطان لف روحه إعله دربي
و مدري چم ركعة عشگ صلّولج بمحراب گلبي
مدري يفلانة العذر ويّاچ مدري ويه العواذل
اشما أمد سنبل رغبتي اعله الچفوف تخضّر الحنّة مناجل
اشما أمد شراع للضحكة البعيدة ، تفز نعاوي أمي گمر
اشما أحس روحي جديدة ، الدنيا تسبگني دهر
وآنه ذاك آنه الغريب وليل الولايات يتنفّس بريتي
وي كل دمعة إحديثة تطيح تتشگّگ هويتي
والحزن صاير هويتي

عبد الوهاب الحمداني

 

[mohammed.shams]

حزني ايجيسني اويه الليل
حزني بعيــــــــــد
غاد من الگلب حزني
أبعد من مكاتيبك
وانت هنــــاك ، غاد من الشعر مكتوب :
القصيدة تجيب كل شي بعيد
بس ما تگدر تجيبك !
حزني بعيــد ما ينلاح
مثل حزن النبوّة و فشلة التفّاح
حزن أعمى اعله المراية
حزن شاعر شعل روحه شمع لعيون الولاية
حزن هذا الوطن حزني
حزن نثية خذوا منها گصيبة و راي
حزن جرفين ما حفظن أسرار الماي
حزن كل العراقيين وأدري هواي !