أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

mohammed.shams · 10 يونيو 2022

دفــنوني وبـچوني أحـباب
دگ گــلبي
وگــعَدت أخـضر

mohammed.shams · 10 يونيو 2022

كوم خفف لوعتي وطوي العذاب
ساعة وحدة انذب قهرنة ثنينة
ومانريد الزاد ويولي الشراب
نريد بس ابليس يكعد بينة

mohammed.shams · 10 يونيو 2022

أغبر يازمن وياي تعكس ليش ...
وتخلي ألشماته أتصير مرتاحه ...
تركض عالفقير وهذا حالك دوم ...
وتعيشه بألم وتزيد أجراحه ...
من طبعي حنين وناسي تعرف زين ...
روح أسأل جميع ألناس بالساحه ...
كافي يازمن خليني مره أرتاح ...
وأشوف ألوكت فرحه وعايش أفراحه ...
خلص عمري وأبد ماشفت راحه أبيوم ...
وجميع ألناس ضدي وشايل أسلاحه ...
أنه أشبدر مني وبيه هيچي أيصير ...
بس كلمن قسمته أبدنيا علاسه ...
خلص عمري أبعذاب وحزن فوگ أهموم ...
وأحس ألموت يمكن دگت أجراسه ...
مو صعبه ألبشر يترك ألدنيا أيموت ...
ولا فد يوم صعبه أيفارگ أنفاسه ...
أسولف من گلب مليان بس أهموم ...
ويكتب بالشعر ويوضح أحساسه ...
چنت شجره وعله ألأحباب أصير أفياي ...
ما أعرف شجاهم صاروا ألفاسه ...
بس ربك كريم ودوم بالمرصاد ...
ميعوف ألجرحني مرتفع راسه ...

mohammed.shams · 10 يونيو 2022

عليك أبكل وكت تسألني هاي ألروح ...
أتنادي بأسمك وحسرات مليانه ...
يهز ذكراك عقلي ويعصر ألعينين ...
وعله أخدودي أشوف أدموع خجلانه ...
يابويه أبغيابك مابقتلي أعيون ...
ماتت من كثر ما ألك ظميانه ...
من يوم أبعدت ماطب فرح للبيت ...
ومن كثر ألحزن فطرت حيطانه ...
گلبي أشلون أسكته ومايفكر بيك ...
أشما حاول أسكته أيثور بركانه ...

mohammed.shams · 10 يونيو 2022

من طين أنخلق معروف أدم صار ...
وأخذ منه ضلع حواء سواهه ...
شوف أشگد فضل أدم عله ألنسوان ...
كل هذا وعقل ممسوح تلگاهه ...

mohammed.shams · 10 يونيو 2022

لسمعك شعر يسمر لاتضن مسموع
وأغنيلك قصيدة ودارمي وموال
وأوشل الليل كله وياك وأسكر بيك
وأنعل أبو بليسك موش لعب عيال

mohammed.shams · 10 يونيو 2022

جرح للبيع عندي ورايد ألشراي ...
وأسومن بالرخص بس كون أبيعنه ...
لأن هذا ألجرح تعبني حيل أهواي ...
يرجع ينفتح كل ما أروفنه ...
سألته وگلت ليش أتعذب ألحال ؟...
يضحك من سؤالي من أسألنه ...
جاوبني فقير أتغشم ألروح ؟...
لو قصدك أجاوب أني مو منه ...
ماينكر أبد من وين لو صار ...
لذالك قررت بعيوني أشيلنه ...

mohammed.shams · 10 يونيو 2022

تــعال ويـاي نـاخـذ دور الاطـفـال
بيـت بـيـوت نـلـعـب أنــه وانـتــه
وبـحجـت أزغـار ومـا نـعرف العيب
حط اشفاك فوك اشفافي سكته

mohammed.shams · 10 يونيو 2022

واستلذ بمناطرك انه شوراي ...الله خالقني علمود اشتاكلك

أنقر للتوسيع...

mohammed.shams · 10 يونيو 2022

تلالي مثل چيس ابيض ولك شاف
وعونه الكحّل عيونه والك شاف
الك مبسم يفت روحي والك شاف
مرج بحرين وتلاگن سويه

اختيارات عامة المحتوى

اختيار لون المنتدى

حدد لون التصميم الذي تريد استخدامه

اختيار خط المنتدى العام

حدد الخط المنتدى الذي تريد استخدامه

Font family

Message layouts

Choose the message layout you want to use

إعادة التخصيصات التي تمت بهذا الستايل

البحث

أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

mohammed.shams

نائب الادارة

mohammed.shams

نائب الادارة

mohammed.shams

نائب الادارة

mohammed.shams

نائب الادارة

mohammed.shams

نائب الادارة

mohammed.shams

نائب الادارة

mohammed.shams

نائب الادارة

mohammed.shams

نائب الادارة

mohammed.shams

نائب الادارة

mohammed.shams

نائب الادارة

الذين يشاهدون الموضوع الآن 3 ( الاعضاء: 0, الزوار: 3 )

المواضيع

المشاركات

الأعضاء

آخر عضو مسجل

About Us

إحصائيات المتصلون

الأعضاء الجدد

Second block title