أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

‏شتگولون اصبغه الشيب
بس لا عيـب من تــآلي
وعليمن صابغ وتعبــان
عگــب ما راح البالـــي

 

[mohammed.shams]

اوكف"يا زمن عدنه عتاب وياك ...
خليت المصيبة "بگلب"كل انسان ...
ويابيت "التطبله" تشوفه مهموم ...
عاشرنه الحزن من چنه "بالكاروك"...
ولحد ما كبرنا "ويانه"مظموم ...
البشر بالعيد تفرح تلبس اشكال ...
واحنه من الدمع فصًلنا "الهدوم"..
تعودنه بعد عالقهر والحسرات...
وتعلمنه الحزن "مو خوش"تعلوم

 

[mohammed.shams]

ويا ملذ طيوفها يسيرن علي
ليليه ويباتن بعيني ،،

جنت احاجي زلوفها بلمسات اديه
اتعاركن ع الزلف يسراي ويميني!!

 

[mohammed.shams]

واشغل نفسي گــُـوه وما أباوعلك

أحاول ما أشوفك وأنسه كل الفات
بلكي گليـبي يزهگ شوكك ويِــملك
اگول لنفسي باچر لازم انمــُــر بيك
واچذبني واصدك ..وأدري ما مرلك
صديقك مو حبيبك صعب هذا الدور
مثلته وغصب عالدمعه اضحكلك
وأسمحلك تدوس جروحي من تضوج
ومن تضحك بعد شتسوي اسمحلك

 

[mohammed.shams]

شخصك حيل طيب. . وأنه احبه
وحرت وين اشم خدك. . وين احبه
انت الورد الأبيض. . وأنه احبه
واموت عليك من تسئل عليه

 

[mohammed.shams]

يا شهگہ مسافر
يا نفس غرگان
يالبيگ المنايا مفارگہ الونسہ
ردت انساگ خاطر ما أحن واشتاگ
بس بيہ طبع اشتاگ من انسى

 

[mohammed.shams]

راح اصبر بدونك وارهم بلياك
وأذبح رمش عيني الجان يبجيلك
واتحمل عذابك والبعد والشوك
وما حط صورتك كدامي واشكيلك
ما اكلك نسيتك بس جرح بالروح
يكسر واهسي ومايقبل امشيلك
عيني الشالتك كلتلها اشيلج راح
كالت شيلني وما قبلت تشيلك

 

[mohammed.shams]

الا ياملهم اشعاري تعال نقلب الأوراق
ونكتب للغلا ذكرى قصيدة حب فكتابك
ونكتب في امانينا عسى الله لا يجيب افراق
واعيش العمرفي قربك مدام الروح تهنابك

 

[mohammed.shams]

راح ابتعد وتعمى العين من فركَاك
أخاف تحب بعدكم تشهد أجفاني
وحكَ عينك عزيزه دموع هاي العين
ولو تدري القرار اشكثر أذاني
وما ابجي جذب بفراكَ كلمن جان
بس بُعدك حبيبي دموم بجاني

 

[mohammed.shams]

آصـْعبَ شـَعـــُور إَنـِك« تفضفض» لـ شخـصَ . . ! !
تعتبـــرَه أغــلاَ مـْن روحـك . . !
ويقـولــك وبكـَل بســآآآطهَ ,
|::|
آهـآآ . . آلـله يـكونْ بعـونــَك