أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

اجذب الكال عنك ومرة شفتك
العسل لسه بشفافي من رشفتك
الحذر لو ويه غيري مره شفتك
انتحر بيك واموتك بين اديه

 

[mohammed.shams]

عيون الكلب يوم اجفاك يدمن
عفتني وصافحت يا ترف يدمن
انه المثلي على الحسرات يدمن
عسى انسا هواك شعمل بيه

 

[mohammed.shams]

الدنيا اسيوف بظلــوعي .. سنتها
وقوانين التعب لجلـــــي .. سنتها
الوادم تحتفل بآخــــــــر .. سنتها
وأنه ابجي اعله العمر راح منديه

 

[mohammed.shams]

سچاچين الوكت بالــــــــروح .. بردن
واحس الجسم وكت الصيف .. بردان
انه بردنين رحـــــــــــت وأرد .. بردان
وأخاف الغربة تاخذ حتى اديـــــــــــه

 

[mohammed.shams]

اكتبلي شما ردت تكتب وردلك
بساتين بوسط روحي ورد لك
اغيب وابتعد وازعل وارد لك
لان الكلب بيدك مو بديه

 

[mohammed.shams]

روحي تكول عدله ما ني ميته
وعجب زرع الزرعته ما نميته
وهذا الليل كله ما نميته
فراك وحرمو وصلك عليه

 

[mohammed.shams]

حبيبي من الهوى نصلي ونصلاك
وواجب نعتني شخصك ونصلاك
نص مهجتي الي ونص لاك
وثلثين العقل والباقي اليه

 

[mohammed.shams]

1. قـلـبـي عـلـيـك يـنـوح مانام لـيـلـه
   مسألتي انا وياك صارت طـويـلـه

   
   
   
   

 

[mohammed.shams]

جيتك بقايا انسان ايدي على خدي
قـلـبـك صخـر مالان يالعـفت ودي

 

[mohammed.shams]

يا اسمر فراقك ليش روحي جرحها
صابر ودمع العين غصبن فضحها