أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

خِلّك ما صرت لوما خليلي أتصير ..
وصرت خِلّي برضاتك چي صرت خِلّك ..
علّمتك عليّه من الألف للياء ..
وتغلط بالاجابه وآنه أعدّلّك ..

 

[mohammed.shams]

حرثت الخاطرك بالروح حرث الگاع ..
بوسات أو ورد كل خلگي أشتلّك ..
شمعة انته بحياتي و عمري ظلمة ليل ..
اشعلت روحي و خفت ماشعلك .. أشعلك ..

 

[mohammed.shams]

خاف أسنين عمرك تحترگ بالشوگ ..
أضمّلك گمت من عمري اعزلّك ..
عليك اتسودنت مو بس أخاف اعليك ..
احل روحي و اكضّك خايف تحلّك ..

 

[mohammed.shams]

و اغمض من أشوفك و اخدر اعله الصوت ..
غلطه انته أبحياتي و صعبه ما ازلّك ..
چم إبليس اطرد من يوزني اعليك ..
و چم شيطان ارجمه أبروحي و اكتلّك ..

 

[mohammed.shams]

ما صيرن نبي بس راهب آنه اوياك ..
بآيات ألمحبه أبشوگ ارتّلّك ..
شلّي بغيرك انته و ألگه مثلك وين ..
و تتعب تلگه غيري بهلتعب شلّك ..

 

[mohammed.shams]

ياهو ألعلمك و اتريد تمشي أبعيد ..
سلّ الشوگ خايف باچر ايسلّك ..
مثل ظلّك جنت بالخطوه نمشي اثنين ..
و مشيت انته بظلام و ضيّعت ظلّك ..

 

[mohammed.shams]

دلّيني عليك أسنين تايه بيك ..
و امشي اوياي ادورك خاطر أندلك ..
عرّفني اعله شخصك رايد احچي اوياك ..
بس كلمه و بعد ما غيرهه انگلك ..

 

[mohammed.shams]

وحده أمن الثنين أو وحده راح اختار ..
لو كلّك أحبّك لو أحب كلّك ..
اسأل ليش احبك حته اگلك ليش ..
وليش شما تسوّي أوياي أقبلّك ..

 

[mohammed.shams]

1. لحظة موت عمري اسنيني كلهن خوف ..
   بس اوياك أأمّن لمّن أوصلّك ..
   و انته آخر نفس واشگد عزيز أتصير ..
   و بلحظة الموت تريدنه انملّك ..

   
   
   
   

 

[mohammed.shams]

خيط أعله الجرح باللحم صرت اوياي ..
لو كلّ الجروح اطيب ما فلّك ..
تعرف كلشي بيّه و ما اعرف اشبيك ..
لغز حلّك لغز من يگدر ايحلّك ..