أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

سبع سبعات حاكمهن سبعهن
وستة برخص باعاهن سبعهن
وخمسة من عرف ياهو سبعهن
وستة من السبع راحن ضحية

 

[mohammed.shams]

دويته الداي لاكــــن داينني
وانه اشرد والمصايب داينني
احس چــن اللـــيالي داينني
ثلث ساعات ازور اعزاز اليه
ابوصالح المياحي

 

[mohammed.shams]

لوه بتوت الگلب هجرك وتلها
بغيابك روحي ماتسله وتلها
وحگ زينب وصيحتها وتلها
اتم برجاك لاخر نفس بيه
بقلم علي الامين

 

[mohammed.shams]

تصويري لحال اليتيم من ارشيفي القديم
السبابه اسنادهة الوسطى والبهام
وبينه العايش بحسره والبهامشحاله الي فگد امه والبهام
انرسم بعيونه حزن الغاضريه
وسام حسن الخزاع

 

[mohammed.shams]

وانه ساكت ..
سكتتي تحجي بلساني..
او دمعتي صارت حروف.
او كل حرف علروح شاهد..دوروني شكثر بيه ..
خمو ابعمري اولگوك..
او لگو كل حرف الكتبته..
صايغه لروحك گلايد ..
او دوريت ابروحي عني..
مالگيت ابروحي اي شيء ..
بس لگيتك شوگ زايد..
او هم رجعت او دوريت..
ابذكرياتك..
بالطيوف..

 

[mohammed.shams]

ابكل حلم بفكاري شارد..
ابكل جفن متروك راگد..
وانه رايد ..
بس تجيني ..
نجمه..
وتفزز ظلام الليل بيه ..
او ترد وترجع حنيني..
او ترجع الشفتي السوالف..
وارجع الخلگي القديم..
او بيدي اكتبلك قصايد ..
وبقلم شاعر يحبك ..
ازرع بحبك قوافي..
وبترافه جفن غافي ..
اتذوب ابروحك نهر للشوگ جامد..
يل صرت بعيوني دنيه ..
كثريت الناس بيه..

 

[mohammed.shams]

والعجيبه اشما اشوفك انته واحد..
وهجرتني..
او يا ترف محراب عينك ..
گلبي بيه اشكثر ساجد ..
او يا ترانيم الكنايس ..
من تصير ابحلگ عابد .
زاهد انه ابكلشي دونك ..
الا انته ماصرت وياك زاهد ..
او لا جحدتك ..
وانته من دون الخلگ وياي جاحد ..
عقيل النجار

 

[mohammed.shams]

رجل كبير في السن شائت الصدف أن يلتقي بمحبوبتهِ بعد فراق دام ٥٠ عام
فقالت له : هل عرفتني
فقال : عذرآ لا اعرفكِ
فقالت : أنا محبوبتك
فقال :
أخذني الشيب اعذريني
مشيتي وركضن سنينيفقالت : هل لازلت تعشقني
فقال :
يالعايف غرامي بأول العشرين
كلي شلون احبك وانه سبعيني
يالعايف براسي الشيب ياكل شيب
وانت بكل صلافة تفرهد سنيني
تتحاسب دمع والناس كلها ذنوب
باجر بالحشر تتچوة من عيني
ليش ستعجلت خليها فد سنتين
ومر بالمكبرة و هناك لاكيني
وهسه تريد ترجع هو وينه الحيل
طفل أنفاس بفراكك يلاويني.

 

[mohammed.shams]

مسمومة بعض الناس مثل الحيايه
ناعم يصير وياك لو عنده غاية
واقع حال......

 

[mohammed.shams]

منو كال الوكت مو عدل ويه الناس؟
وحق الله عدل بس احنه عوجان
الأنثى اليوم صارت تلبس اعكال
وبعض الزلم صارت حيف نسوان
وسفه صرنه بس بالإسم اسلام
عصينه الله ورضينه بعمل شيطان
خلق ربك فرق مابين كل مخلوق
عقل حط بيك ما سواك حيوان
فكر يابشر لا تمشي درب الشينتتعب والنتيجه انت خسران