أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

مرن سنين عجاف موسبعه سبعات
نوكد جذب بالنار وبلا عشه نبات

 

[mohammed.shams]

رد الحالتك ياكلبي وانسه الصار
مشتاك الضحكتك والله مفتقــــــــــدك
موكافي حزن موكافي عاد دموع
ياكلبي اليحبك عافك لوحــــــــــــــدك
لاتنزف بعد بطل تحب وارتاح
حلو يعني الدمع من يجرح بخـــــــدك؟؟
ياكلبي اليحبك خله بيك جروح
ولزم كل ذكرياتك بيهن يجلـــــــــــدك
اي ليش شبيك المن توفي بوعـــــدك؟؟

 

[mohammed.shams]

1. حنضنل لليضدنا انصير وانمر@
   وعلا درب المنايا انفوت وانمر @
   اذ ما صرت ذيب وجسر وانمر@
   الثعالب تأكلك فوك الوطيه

   
   
   
   

 

[mohammed.shams]

عضمي لليصيبه ايصيب ويرد@
عظم هدهد يلاجي الماي ويرد@
اذ ماصرت بالبر ذيب ويرد@
للثعلب تصير انته الضحيه

 

[mohammed.shams]

بعد مالي محطه ولالي نيه وياک..
وخطوط المواصل بيدک انشگن..
دفنتک ســالـفه ودمـــعه وقصيده وحــــيـف ..
وأرسومک الحلوه بخاطري احترگن

 

[mohammed.shams]

وانه خايف

لا تجيني الوادم الما بيها خير

تگلي ، خيرك

 

[mohammed.shams]

يرب العين هاي العين ماترضه بوجه غيره
يرب عينه وحگ عينه حسرتي الشوفته چبيره,

 

[mohammed.shams]

وافز والگه البخت مبيوگ
واتناوش توالي الهم
واطشر حسرتي بكل باب
بگايه الـ آآآه ما تنلم

 

[mohammed.shams]

اريد اليفهم دموعي
حزن مو ماي
ويصليني لوّن يلگه اعله وجهي ذنوب

 

[mohammed.shams]

ألك كل يوم ﺟﺎﻱ ﺍﺷﺘﺎﮒ ..
ﻣﺪﺭﻱ أﻣﻨﻴﻦ ﺍﺭﻳﺪ ﺍﺑﺪﻱ ..
ﺍضيعك ﻭﺍﻟﺘﻔﺖ ﻭﺍلگاك ..
ﻭﺭﺩﺓ ﻭﺧﺪك ﻳﻨﺪي ..
ﺍﺣﺐ أﺣﺮﻭفك ﺍﻟﺘﻨﺸﺎﻑ ..
ﻣﻦ گد ﺍﻟﺘﺮﺍفه ﺍلبيك ..
ﻟﻮﻥ أسوالفك وردي ..