أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

مشه بيه انتضارك عكس الاميال
وكف عكرب دمعتي بجفن الاعتاب
تجي منطيني ضهرك حته بلطيف
وعلي غيمه اعذارك تمطر اسباب
خلص شوفي بجفاك ومادرت عين
عله بيه وخفكني اجناح الاعتاب
يجي دخان شوكك يترس العين
ودمع ذكرياتي وشوكي عطاب
تبرت كلها مني وحدي ضليت
بس اموادعك ضل لازم الباب

 

[mohammed.shams]

ضاعت مع الايام أحلى الأماني
نلت من الآلام ما قد كفاني..

 

[mohammed.shams]

فاتت زفتچ
وسمعهم يهوسوون
وبعيني شفتهم ضلوو يأشرون
ذاگ الرادها وحنة الاخذناها

 

[mohammed.shams]

تمنيتك فرح وانسى شكثر احزان
ما ظنيت منك تكثر احزاني
وتمنيتك مسافه من الدمع للعين
اخلصهه بوجودك واختم اشجاني
تمنيتك قصيده من الالف للياء
اكتبهه بسلاسه وابد ما عاني
تمنيتك تحن وتكول هاذا انسان
حبك وتعذب مو شخص ثاني
تمنيتك سؤال وحله انته تكون
تقاسمني دمعتي بزمن بجاني
واتمنيت لهفة عاشك ومعشوك
ولا لحظه بحياتك سهو تنساني
كثرن امنياتي وثقلتهه عليك
بس ما اريدهن منك بعد اني

 

[mohammed.shams]

مشنقة العشك كصت هوايه كلوب
وكلبي اليوم ملني وهوه كصاني
مل من عندي حقه ما فرح فد يوم
عفته سنين وحده الوحده يعاني
وداعا يا كلب مو مني كل الصوج
واحجي شما تكول انسدت اذاني .

 

[mohammed.shams]

ثواني لشوفتك احسب وعد لك
تميل وياي كل ساعه وعد لك
احبك وابد مااعوفك وعد الك
واظمك بالكلب يعني انته ليه

 

[mohammed.shams]

طيب وأذكرك دوم يا وردة الياس
الدنيا كلها بخير لو مثلك الناس

 

[mohammed.shams]

اليشبهك وين؟
خلص شوفي ع اليمشون
دبرني؟..
تراه اليل مو اي واحد ايعبرة.
دبرني؟.
الفتك مجبور من يتحجب بأبرة.
دبرني؟..
تره المشتاك يضرب راسه بأي شجرة
اذا بيه يمر ويشوف جلمة شوك لو ذكرى.....

 

[mohammed.shams]

بعت روحي ومدري
عدمن
واه حسرته اليتيمه
من تكله الناس
بتمن !!!

 

[mohammed.shams]

احط أيدي اعله خدي
• وأعاود ذكرى أيامي ؛
• وادور احلى مابيها ؛
• واشوفك انت گدامي