أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

وحق قيس التعنه وعشك .... والهام
بجفاكم بس ونين ونوح .... والهام
كمت بالروح اطحن صبر ..... والهام
عليكم يالرحلتو بلا وصيه

 

[mohammed.shams]

الغمض عينه ونام مو مثلي يسهر
يختلف شوگي هواي من نوع الگشر

 

[mohammed.shams]

ما يفيدهۂ ألشوف ألمفارک عزيز

الضحكۂ تيبس فوک حلک ألفاكدهۂ

بصفي وانۂ اشتاكلک يا المادريت شبيک

ما سامع بكلپ الوالدهۂ

 

[mohammed.shams]

من ذكرتك سكت كلشي
و عاند السكتة وبقة يصب الدمع
من ذكرتك رفس كلبي
و راد يكسرلي الضلع
شو طحت و محد سمعني
و للعلم لمن ذكرتك جان ليل
و صوت دخان الجكاير ينسمع

 

[mohammed.shams]

والله وكت
ٲندارلك من كل درب وعيونك #تضيعني ،.

 

[mohammed.shams]

صحيح بعيد بس قلبي شعر بيك
حزين وباقي بس يكتب شعر بيك
عجيبه شلون ضل اسود شعر بيك
وانا بفركاك ماضل شعر بية

 

[mohammed.shams]

الوكت بعيون صلفه... شوبحالي
والف سر للعواذل ..... شوبحالي
لعب من دون ربعي.... شوبحالي
الوراي ايزامط ويلحگ عليه

 

[mohammed.shams]

اذا موگد العشگ ليش انته بيه تعيل
تجبرني اعلى حبك وانته مو گده
حسبالك لعب وبس كلمه تنگال
لا ارجع يخايب لاتمس حده
ماعندك وفه چا گلي ليش تگول
انته أول عشگ والماضي والبعده
ماعندك مشاعر انته مامجبور
تعلق واحد بيك تالي وتهده
ما گالو جبر ولا لازم تحبون
موگد حبي انته غيرك الابده
تعلم بالوفه وأخذ الدروس هواي
لأن صعبه وجريمة تخون بالشده...

 

[mohammed.shams]

چم جرح الشفه بچفاك چم دام
چم ادموع الك هليت چم دام
چم شامت يدف بطبل چم دام
چم من الهضم خلفت بيه

 

[mohammed.shams]

مشتاگلك وين رحلت
غيرك منو أشكيله ألحال
من جار وياي ألزمن
بس أنته جيت أعلى ألبال