أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

اريدج زلمةة بين النآسس
بس أترف مره بحضني

 

[mohammed.shams]

1. مو بالزمن هيهات العله بينه ..
   يحبيبه هذا الصار كله من ادينه ..

   
   
   
   

 

[mohammed.shams]

ما قصرت ربيت واسهر ليالي ..
ما حسبت ينسون حظني و دلالي ..

 

[mohammed.shams]

صدگيني هذا الحال هم ينتظرهم ..
وهم باچر ايعيدوه بيهم بزرهم ..

 

[mohammed.shams]

جرحي منك ﻻتظن يتشافه•• يوم
شما تمر جدامي احس بي•• ينلچم
والله لوچأن الجرح من•• •الغريب
يمكن بلحظـه يطيـب••••• ويلتحم
روح خليني وي جرحك•••• ﻻتعود
ما اريدن شوفتك حتى ••••••بحلم
بلكي ••من تبعد تحس بالفارگوك
وبلكي••• من تشتاق تشعر بالندم.
«رعد آل طوسي»

 

[mohammed.shams]

مسچ عطر اليحب حسين،، ويهيل
ونوره تگـول نور الگمر،، ويهيل
دنيـه واخــره مسـرور،، ويهيل
عليه الخير بيده ابن الزچيه
«رعد ال طوسي»

 

[mohammed.shams]

على التوحيد ثابت ..... قربة لله
وصبح عالي بجهادة و ..... قربة لله
بذل عينة وجفوفه و ..... قربة لله
وبذل روحه فدة لأبن الزجية\\بقلم فاضل الميالي

 

[mohammed.shams]

شكثر روحي بغيابك وندهلها.
بسكرت موت غابت وندهلها.
دواهه بدمع عينك وندهلها
بغزاره وبلجي لحظة تعود اليه
.......محمد القريشي

 

[mohammed.shams]

الاجه لگلبي اظن ياصـاح،، كفاه
وهجر خلي بگايه الشوف،، كفاه
مشه وياحيف ماجاني
وحيـد بغـربه خـلاني
لچن مافارگ الساني
اسمـه ودوم ماعفته
ونوم الليـل فـارگته
يطارش گله لوشفته
تـمنيـته يــمدلي بـيـوم ،، كفاه
ويداوي جروحه المخزنات بيه
«رعد ال طوسي»

 

[mohammed.shams]

تدري الاجل لحد مايتاني
وتمنيت انه گبلك مايتاني
صعد روج المنايه مايتاني
وخذك مني وتركني بلا تچيه ..
شجاك شعطلك ياخوي ماييت
حسافه يبن ابوي تروح ماييت
رحت مو وكتك الروحه
وعفت دلالي للنوحه
فرحتي اصبحت مذبوحه
تفرهد ضحج سني وراح
عكبك ابد ما مرتاح
كضيت ايامي كلها انياح
عفتني وتحتي حته الكاع ماييت
واحس نار الخليل اوجرت بيه