أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

جرحي منك ﻻتظن يتشافه•• يوم
شما تمر جدامي احس بي•• ينلچم
والله لوچأن الجرح من•• •الغريب
يمكن بلحظـه يطيـب••••• ويلتحم
حلووو ..

 

[mohammed.shams]

يمر ذكراك واحلم..... چنبلمچان
الجمعنا وليلي عگبك چنبلمچان
تعال وشوف گلبي .....چنبلمچان
يجد مرساه....... كل ساع بنويه

 

[mohammed.shams]

طيور الشوگ الف طاير.......ولف حاط
وغيرك لاتضن گلبيے .........ولف حاط
چنت اجبال اشيلنها.............ولف حاط
" الرمش هسہ تشيلہ الناس اليہ "

 

[mohammed.shams]

هواك الدخل ريتي ،،،قدنعشهه
وسـويه اسنين حلوه ،،،قدنعشهه
روحي المـيته چانت ،،،قدنعشهه
الغرام ....وردت ام عشرين بيه
رعد ال طوسي

 

[mohammed.shams]

احلفت مااوصل الحيهم وصلهم
وبعد ماريد قربتهم. وصلهم
اذئ الأسلام مذهبهم. وصلهم
انكروني بلاسبب صرت الضحية\\ابو علي الركابي

 

[mohammed.shams]

العتب مو هسه وكته... ماتخله
عله الچان اعله جرحي.ماتخله
اخوي بعسر حالي ..... ماتخله
ماقصّر دفن شاجور بيه\\\بقلم رافد العبودي

 

[mohammed.shams]

على هونج يدنيا وياه نصفي
كلبي ومن مصابج ظال نص في
ورد ذكرك يبعد اجلاي نص في
كتاب النايبات المر عليه

 

[mohammed.shams]

جفانـي الـصبر عگـبك ،،ملگضامن
ليالي الهجر.... واشعر،،،ملگضامن
يـردك ..وانـتــلاگــه ،،،ملگضامين
ارويّك وتطفّي اضماي اليه

 

[mohammed.shams]

وحـگ زيـنب ونـحـر حـسين ،،والطاف
اسم عبـاس بــيه افـــضال ،،والـطاف
اليطب صحنه ايعرفهن صـدگ ،،والطاف
بضريحه يفوز دنيه وأخريه
لـــرعـــــد الــــطــوســـي

 

[mohammed.shams]

عليك الچذب صدگ ،،،ماطريته
وما ظل درب لجلك ،،،ماطريته
ادور عليك يالمبعد
الگلب ياذيني مايركد
حظي وياك ما يگعد
صرت بجفاك ماوچد
ماظنك ترد هيهات
اكثر گمت بالصفنات
صفناتي تجر لوعات
ولوعاتي صفن حسرات
عزيز الدمع. لاكن ،،،ماطريته
بجفاك انهار سال عله الوطيه
«رعد ال طوسي»