أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

هـــــذا طبعي وشيمتي وهــــذا ســراي ..
وهــاي روحي وهذا ودهه وشوگهه ..
حاســدتـنـي الناس چي راجــــــح الراي ..
والشليلــه ابهيده افــــك مطبوگهه ..

 

[mohammed.shams]

چي اخلّي الرمده تبصر مـــــــن ضواي ..
واطلع الليطه ابـــهدو مــن موگهه ..
چي اطيح اعله الجرح وأعــــرف الداي ..
واعـــــزل الشفّاف مــن ملثوگهه ..

 

[mohammed.shams]

چي ادوس اعله الخطر وأوصـــل مُناي ..
وروحي تلگط صيدهه ومعشوگهه ..
انه خاويت الجساره مـــــــن صـــــــــباي ..
والمهابـــه طوّگتـني ابطوگهه ..

 

[mohammed.shams]

الغـبُـر مـــــانـعـنـي عـنهن مستــــــــحاي ..
والنظاف ابـلا اثــم لاحــوگهه ..
مــــــــــا أمــــــطّك يمهه وانطيهه گـــفاي ..
الراد لــذتهه لــــــزوم ايضـــوگهه ..

 

[mohammed.shams]

انه آلـــــكَْط الراويـــــــــــه وبـمـشـتــــهاي ..
وتنحني العيطــه عليْ بعثوگهه ..
هذا انه آمـــــــــن آصباي والناس المعاي ..
مــــا تميْز الحوم من غرنوگهه ..
ناس مـــــــاتعرف تحط ذيچ اعله هـــــاي ..
حته مـــا تـنـدل مچان احلوگهه ..

 

[mohammed.shams]

خليت بوعودك
صورة ما خليت

 

[mohammed.shams]

سامحيني
لا الم الناس بصياحي وشهكتي
وجلمة الله
سامحيني
وانه متوجر وادور كلمة بيعا
اجهر ونيني

 

[mohammed.shams]

ام گذله وام مگياج وام تاتو عالعين
يرحن سبع فدوات لم خبزة الطين

 

[mohammed.shams]

زينه هاي ابالك السويتهه ..
الدگمه تطلع من تطب البيتهه ..
إيدي لو فنجان ماهزهه ابگفاك ..
وانته ايدك سعفه من هزيتهه ..

 

[mohammed.shams]

چنت الاگيك ابسعف يالـمـو رسول ..
واهس ازغار أعله طش چكليتهه ..
الريشه سكرهه الهوه وصحتهه گاع ..
وروحي سكرت بيك بس صحيتهه ..