أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

شجاك اتغيرت مابين
ليله ويوم
عساها ابخت
كلمن سمم افكارك

 

[mohammed.shams]

شضم عنك ؟
بعدك تفتر بروحي
ومامش باب ينسد لك ،.

 

[mohammed.shams]

ياشذر طيفي ونثيث اصباي
دبّرني اشتهيتك
شوغة الرغبة كلتني
اومن اذكرك...اتخرخش ابگلبي سوالف مدري شنهي
اومدري ليش..ابروحي صمّ اطفال تنشغ..اشتهيتك.
اشتهيتك
گاع تشرب ملحة اجنوني اوتخضر تين برّي!!
تين الولاية غشيم اوطبعه فاهي..
وانته ياشيرة اسوالف
اتعســّل الحنظل لون جسته ابحلاتك!!
اشتهيتك تغسل اجروحي اعله عرفك
وانته تندل.
اشتهيتك تنفخ تراب الكناتير الشلتها
اوتكوي قمصان الونين الطبگتهه ابصوت (داخل) !!
صوت (داخل) بي لگيتك...اوبي عرفتك
اوبي بچيتك واشتهيتك.

الكبير نوفل الصافي

 

[mohammed.shams]

بيه صرخة صوت تصعد للسماء
وبيه حركة كلب محد حملهة
وبيه شهكة نفس تاليهة مووت
وبيه عبرة مخنووكة ارد اهلهة
وبعد بيه هموم أشكال وألوان
تشيب الروح لو احجيها كلهة
كل هذا وتكلي اضحك شبيك
طلكتني الضحكه وراحت لا هلهة

 

[mohammed.shams]

بالك تحن لهواك ياگلبي بالك
كونه صدگ يهواك حن واجالك
.
.... عبدالله الشريفي

 

[mohammed.shams]

هـاااااااااا ياروحي ….؟
هزچ شوگ …؟
لْـۆ فزن البيچ أجروح…..؟
لا ياروح
وَسفه أمشرعه البيبان
يوسعها الجمل للراد عني أيروح….!
لا ياااااااروح
موش أنه اليذلني الشوك للعافوج..
أطمج بيدي وَأرجع جني ما مذبوح

 

[mohammed.shams]

1. احس بروحي مختنكه
   دمعتي اطيح بالملكه
   اموت بجرت الشهكه
   يكلبي وداعتك موسهله
   ما اتحمل الفركه

   
   
   
   

 

[mohammed.shams]

دامك بعيد يكفي نعيش في " همـس " ..

أنت وأنا ما نلتقي والملآمه

مثـل " آلقمـر" لو ينتظر رجعة الشمس ..

يمكن من الرجعه " تقوم " القيامه

 

[mohammed.shams]

دامك بعيد يكفي نعيش في " همـس " ..

أنت وأنا ما نلتقي والملآمه

مثـل " آلقمـر" لو ينتظر رجعة الشمس ..

يمكن من الرجعه " تقوم " القيامه

 

[mohammed.shams]

تعال وياي اريد الوادم تشوفك
اريد احرك كلوب الكالو يعوفك
اريد اعرف بهاي اللحظه شيحسون
من امشي على طولي وكايد جفوفك