أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

بكل حرير الله حچيت وياك وتگلي خشن

 

[mohammed.shams]

ماريد اسولف عالعشگ
عــوف الســوالف غـافيـه
وبروحي ما شيلك جرح
عيب استحي من العافيه

 

[mohammed.shams]

اجاني بس ما شفت
ابوجهة لابس ظهر

 

[mohammed.shams]

‏الحچي اللي بالعين
ما ينضم يٓـ خايب ..
الكطن شمفارگـ !
وينولد شآيب .

 

[mohammed.shams]

طفه من العوز تنوري...ولاوي
مگالب عشت وي وكتي...ولاوي
مثل شمعون خواني...ولاوي
احشم والذيابه تحيط بيه

 

[mohammed.shams]

مـا يــدروّن
عشـگك مثـل دم مچتول
ضاعت چم سـنه وما ضاع

 

[mohammed.shams]

يمر بيه الوكت وبضيم **مرته
عليل وامر من الموت **مرته
صرت مثل اليضل بشور **مرته
مشورب والنثايه اتگود بيه

 

[mohammed.shams]

آني بعيونك دخت رايد جواب..
هذا وجهك صدك لو هذا رسم..
انت حتى الدوخة هم داخت عليك..
وبيك من احلمت هم داخ الحلم..
آني خايف عالقلم بيدك يدوخ..
شتكتب انت شلون لو داخ القلم..
انت نظراتك ترة تشمر سهام..
وألف هنياله الأخذ منك سهم.

 

[mohammed.shams]

اشتاگيتلك وحگ
العافیة الماضلت بلیاک

 

[mohammed.shams]

لا تشكي الجرح وتعــد الجــروح
ماتلگه اليضمدك بـس يلچـمـونك
ولاتبچـي بنهــر ودمــوعك تروح
شيـهمـه النهر لو تحفــر عيونــك
سولف عالفجــر والشـاهد الليــل
ذولـــه وياك عشــره وماينــكرونك
وافتح بااااب گلبــك للمجااااااانيــن
عوف اهل العقــول المايفهمونـــك..