أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

اريد استوعب العتكن ابروحي اشكد
واريد اعرف شنو بطيحة الماله احد
خذاني المستحه وغنيت ناس اهواي
سوالفهم امروره ابراسي من تصعد
شجاني اووشلت كل حيلي اباول اخ
ومدري اشمالني اشما عاتبت ابرد

 

[mohammed.shams]

حنيتلك !!
و ألتم عله شفايفي الحچي
وأتذكرت!! و ألتم عله عيوني البچي
و بلا وعي !! سولفت بيك لدنيتي
و غنيتلك

 

[mohammed.shams]

ها يروحي صفي نيتج ليمتة تنتضرين مامش ئي خبر
يله احركيهة الرسايل وطيح بدموعج شكو بعينج صور

ويله لميهة السوالف ديرت الخرسان صحرة
وبيهة بس الجف يسولف

 

[mohammed.shams]

تانيتكم
حد ما خلص شوف العگل
واتسودنت
طگن سواديني (وأهذري) شلونكم ....
تانيتكم جلمة عشگ
بشفايف اخرس مختنگ
ماترضه تطلع وينكم

 

[mohammed.shams]

هموم الدنيا سوت سلفه وياي
كل متصير قرعه يطلع اسمي!!

 

[mohammed.shams]

على نيتي هويتك وانت تدري بهاي هويتك جن طفل علفطره حب امه

 

[mohammed.shams]

جذع نخله بغيابك لارطب لاماي
اجيب منين مريم خاطر اتهزني

 

[mohammed.shams]

بياض گلوبنا
يزعل الطبآشير
ونرهم للسما المحتآجه نجمه ؛
برغم مآعدنه شي بس !
- نملك إحسآس
الهوه نعزمه على شمه ،
- ومآ نشمه ،

 

[mohammed.shams]

جنت ربحان كلشي
وهسه ماضل شي
وحيد وحتى روحي وياي ما تمشي

 

[mohammed.shams]

ليش تبچي....الناس اجو سألوني
جاوبتهم....هذا حظ اعيوني
گالو اضحك...
عوف دمعك...
حيل اضحك...
خل نسمعك...
توني چنت اضحك..واجو بچوني؟؟