أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

عـمـري لـيـل
وتعثر الغبشه عله شوفي
وانه والصفنه جسد وهدوم نار
وغـابـة احـلامـي
مفاتيحي العتيكة الـمـارهـم
واحد ولو غلطة عله بيبان النهار
يضل لابسني الحزن ...
وايامي شجرة ويابسه
ابستان نار

عبدالسادة العلي

 

[mohammed.shams]

يا ابنادم
كلشي يلچمني من اريدك
الرسايل الشـوارع
و الغنـه وعيـون غيـرك
حتى بيبان المدينه
الضـاله بحسرة بريـدك

 

[mohammed.shams]

كدما بوجهك ضوة
شكيت بيك وكلت
بالشمس متلثم
نتحاجة كلي شوكت يالتستحي تسلم

 

[mohammed.shams]

‏اني كـتلك مُـر عليه

مو عليـه تصيِر مـــُر

 

[mohammed.shams]

ترسم
راحة لاجن انت
مامرتاح

مظفر النواب

 

[mohammed.shams]

مادام كلهم مشووُ

چا ليش اداري الصور

وعيوني متعوبة ؟

 

[mohammed.shams]

وانا منسي .. معلگ اعله رفوف صبري

وحتى صار تراب بيه !

 

[mohammed.shams]

ما تحبني..

وبيني وبين نفسي شكد أفكر بيک
وأگول شمعنى انته الشابع ظنوني
مو أول عشگ خاطر تشل الحال
ولا أول جمال تشوفک عيوني
شجاها الروح یمک ذبت الأسرار
ولیش أرجف علیک وینخطف لوني
وحتى الناس گامت تعرف بهل الحال
وما أعرف شگلهم من يسألوني
يطبون بصفنتي وعنک يدورون
ويلگوني أفكر بيک يلگوني

 

[mohammed.shams]

ياحبيبـات العذر لله الـحلاوة الـبيها تكتل

 

[mohammed.shams]

وانته بـ لـمة شفافك الورديات ..

مصلوب اثنعش شريان !!