أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

هــذا شـوگي وشـوگ روحــي
الـ عـابر الحــد
وانــته ظــالم
حتــى طيـف اللــيل وزيـته علـي
بـ جفاــك وبعــد..

 

[mohammed.shams]

سكت صوتي
وخذاني الليل
تسيورة مطر مرغوب
شفت الكاع هي انته
ولكيت الماي هو انته
حظيت بكلشي مر عيني وبقيت انته

 

[mohammed.shams]

انـــذر ادك روحي .. نذر للجايب
ابشاره
واورجه اعله الجروح ، المالهن
جاره
جرح ينزف .. جرح باني .. اعله
بسماره
- خجل .. والمايخاف اللوم.. يرضه
ابذلته وعاره


عريان السيد خلف

 

[mohammed.shams]

گـلتي لو جـاسك تـعب
طيح بسماري
الليل يختل بالمتون العاشگه

 

[mohammed.shams]

اداري الآه .. انته الآه ..
وانخه الروح .. لا تهتم
اداري الحيف .. كل الحيف ..
ظل بيك الحلم .. يحلم
اداري اوكَضت روحي انذور ..
لاوِد لا شمل يلتم
يهاوي الروح غم الروح كون
ابشان ما تحلم
يباجي العين .. ذل العين
بالدمعات تتوشم
لَوَن .. شحت دموع الغيض ..
خل دمع العتب .. يلتم

 

[mohammed.shams]

الدنيا هوسه طين مو ركضه حلال
النجمه يكبر صيتها شما تنفرد

ولا تسولف ع الشتا وبالك يحير
اسال الفاكد حضن عن البرد

علي حسن علوان

 

[mohammed.shams]

نذرنالك تجي وندعيلك تعود
وعمت سچينه وشيب نذرنا

نسولف بيك لآخر لحظة بالليل
وترد من الصبح تشغل فكرنا

جبار رشيد

 

[mohammed.shams]

شايفه الليل ..؟
من يوگف وره الشبّاچ راهب وجهه جير
أيجدّي من أعيوني نوم ..

ونومي بين أرموشچ الحلوات أسير

[المرحوم كاظم الركابي]

 

[mohammed.shams]

باردة چفوف ألمحطات
التريد تگودني
وچفك حضـن .

عاهد الابراهيمي

 

[mohammed.shams]

ردت اگلك
لاشعرهم جاس گلبي ..
ولا اغانيهم خذتني ..
انتَ بس انتَ الخذتني..