أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

خلصت وردينه محد شافنه
وصوت نازل
صاح وسط ارواحنه

ياقطارات الهجر بسچ وصلنه
هناك يم اخر محطة اطشرينه
وصار فرهود بعمرنه

ردينه بس الخوف تارس بالنه
الناس ملتهيه بحزنهه
وگلي ياهو بحالنه

وذيج عشرتنه انتهت بس بالملامة
حتى محد گل للآخر بالسلامة

 

[mohammed.shams]

ياهو الجاي يكسر بي
خاطر عندي لو گصبه

اريد احچي البگلبي ، بس اخاف انعاف
ينذب الضرف من يحچي لـ بگلبه

 

[mohammed.shams]

هـذا الصـار بــينه ويـا حـرامات
ليليـه السـهر برمـوشــنه يبـات

 

[mohammed.shams]

روحي احسهه ولايه مهجوره وقديمه
وبيهه بس اني صفيت
وحتى اني استغربتهه ومابقيت
من شفتهم ضمو احلامي بجنطهم
لملميت الضال من عمري متاع
و ودعت روحي ومشيت
رحت ادور
ديره تشبهه لون گلبي ... ومالگيت

 

[رمااد اانسان]

خايب
تره الفركه تهد الحيل
وانت الحيل وشلته

 

[madness man]

كون تمطر مستحة ويتبللون

 

[madness man]

ﻻ يدنيه
شجاج مالج ويه المحبين
جوده وﻻ محنه
ضيوف جنه ومحرب علينه الوكت
وبطارف ديارج كعدنه
كاطعين ادروب
ودروب العشك عثرات
ما واحد نتنه
حته اعز الناس من شاف
الوكت مجفي
ابتعد ما جنه منه
ياعذاب جروحنه
يفك الكلب والصد كتنه
ويا حزن يعكوب
ربع الربع ما ينكاش منه
حته خوتنه انتهت وتشتتت
وانشل لبنه
اااااخ يا نجلاتهم كل ما يجي
النوم عله جفني وطيرنه

للراحل عريان السيد خلف

 

[mohammed.shams]

خسارات ووجع ماينتهي بـ اه
ومافضت الخنكة البية ب الكاس..
واغمض حتى اغيب شوية ع الكون
الظلمة احسلي من الدنية والناس..

 

[mohammed.shams]

هم تشتاگ لعيوني
لو عني الوكت دارك
اويلي شگد الك مشتاگ
امووت واعرف اخبارك
منو يبوسك على الشفة
منو يغطيك من تغفى
جمر صاير على فراگي
لو بعدي نطفت نارك

رائد ابو فتيان

 

[mohammed.shams]

مادريتك •
گاودتني بچف غشيم ! يا غشيم اشگد بچيتك
مادريتك •
بأول احچايات خلگي يضيج خلگك
عود هذا انته الـ هويتك
مادريتك •
تمشي بيه بـ غير نـيه !
كون اعرفه اشضام گلبك چا قريتك
چا عميت الشوف كله
وما گعدت او يالحزن جدام بيتك
چا جزيت الميل و السچه و غناي
و عاد بأللبوم الصور ما دوريتك