أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

1. “فيني عتب اكبر من الكون كله
   وفيني على صدة رفيقي مشاريهُ
   بس الكرامه ، فيني تقول خله
   من لا يداري خااطرك : لا تداريه !!”

   
   
   
   

 

[mohammed.shams]

‏بس الله يدري شلون خلص هجرك
وشلون اخلص اليل من اذكرك

 

[mohammed.shams]

دخنت بس مو نفس ذاك الدخان
اشهگ ومدري منين يطلع عطرك

 

[mohammed.shams]

ابابك طحت ها گمت
ضميت إديه وردت
عالباب بروح ادگ

بس گالو المن تدگ
كلمن مشه لحالته

واحد سكن بالغرب
وواحد سكن بالشرگ.

 

[mohammed.shams]

بعدني بعيني اغنيلك
وبعدني گبال محرابك
اسجدلك واصليلك

 

[mohammed.shams]

من ثكل بية التعب
بس على روحي أنتچيت

 

[mohammed.shams]

ذبـي شـالج
حلي شعرج
خل اشوفه بروح ابوج
شنـهي انـتي
شلون صرتي
فلـك طـر الخـلـفــــوج

 

[mohammed.shams]

يوصي أهله بجهاله الرايد يموت.

وبس إسمك لگو أهلي بوصيتي..

 

[mohammed.shams]

اني ماردتك تضيع
وتعتك بعيني رسالة وتنتهي؟
ردتك ولاية الغربتي
منين مر بيك الضباب وتيهتني؟

 

[mohammed.shams]

. خلــص درب المحنـﮫ
وناس ؏ـافت ناس

وحتئ الي نودهم
مسحو الذڪــرئ