أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

‏دوريتج بين وردات الحدايق مالگيتج
دوريتج بين اصابيع الجهال
دوريتج وين ماصاحو تعال
دوريتج كلمة كلمة گطرة گطره آخ آخ
رجعت ايامي بيدي ودورتهن
لحضه لحضه ومالگيتج
دوريتج حتى بعيون الصديق
دوريتج واليدلون بوكتنه
استشهدو گبل الطريق
صوجي حبيتج صحيح
والصحيح بهالوكت حبلة گصير

 

[mohammed.shams]

تعال الليل يستاهـل سمـر روحين

يتلون عشگ گـوه
تعـال مـرورتك حـلــوه


عباس الغالبي

 

[mohammed.shams]

يا حبيبي
وصاحبي

وحزن القصيدة

انت اول ضيم يچويني و اريدة

 

[mohammed.shams]

غاد من گلبي لگيتك تحچي عنّه ..

تگول ما شايل محنّه !

زين ياهو البارحه المات اعله شوفك ؟


- رسول المنصوري

 

[mohammed.shams]

الليل من يمشي " فراغ " يصير لعنة

ومن يجي شايل ضحكتك
تمطر الدنيا نجم
خايب امشي عليك الله ابتسم ..

 

[mohammed.shams]

اذا انته و تگلي #شبيك؟
ياهو اليعرف #البية ..!

 

[mohammed.shams]

باجر تموت المحطه ومحّد ايغـنّي بغربتك

باجر يصير العشگ ذمّه برگبتك.

 

[mohammed.shams]

الچفوف العاشرتهن گبل چفك باهتات
بچفك ملوحة شلب

وبروحي شوگ سنون منجل
خل أحصدك ...

 

[mohammed.shams]

كلولها عاف العشگ بس گلبه ضل ما عافچ ،،
كلولها يحبچ تره ويموت اذا ما شافچ ...

 

[mohammed.shams]

وحته لو الگه اليشبهك ما.
احبه الا انتَ ...