أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

انه من دنگت ما چنت ادور گاع
ولكن ثگلت الحسبات البالي !

احمد عاشور

 

[mohammed.shams]

يا ولفي الدمع مريود من لونك

بعدها الضحكه بيه ترد

لــ أول جلمة شلونك



بيلسان

 

[mohammed.shams]

‏ي وردة روحي هاي الناس ماظن تعرف تشمك ؟

 

[mohammed.shams]

الدنيا مو دنية عشك يبن الحلال
ولا تخلينه بمحبتك ننجبر

انت ابن العافيه وابن الدلال
واحنه ولد الموت ربانه الفقر



- جبار رشيد

 

[mohammed.shams]

نيام الدهر ياصاحب وعانه
وعرفنه الما فلس يسوه وعانه
عمي الما حضر حملي وعانه
الي شيفيد من تدنه المنيه

 

[mohammed.shams]

مدري أشيخرخش بالصدر تالي الليل

بس الله يدري أبداخلي شكسرولي





لــ رفعت الصافي

 

[mohammed.shams]

گمت ادور بـ الرسايل

بـ العشگ ذاك القديم

بلكت أحچاية عشگ ضـلـت واشـمها..


لـ محمد خنجر

 

[mohammed.shams]

انه الربحان من راحو
ولا اسمع شنو اشصاحو
حوبة كلبي تجوي النار
صعدو للسمة وطاحو





علي البديري

 

[mohammed.shams]

‏مدري بيآ گلب شفتك صدك مبيوك ..!!
لـ مرتجى سعدون

 

[mohammed.shams]

رغم ذيچ مرورتك و لـ هسه آحن و ذكريآتك ظآله بـ گلبي شخآبيط بـ سجن