أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

والله من اطلع جروح بيه مغموته
جا حمد يوزر سيف ربه عالخوته

 

[mohammed.shams]

‏كون يمّك
يابخت جنحه اليذبّه الريح يمّك
كون اشوفك
كون وَي فجر السوالف
تغبش اعيوني عليك
اتشيل خطوة شوفها وتنگلها يمّك
ودي اشوفك ودي اطيرن محترگ
واطفه عتب حار اعله دمّك

(المرحوم كاظم اسماعيل الكاطع)

 

[mohammed.shams]

حنيت الك
صوت وشكل،
ودمعه وقصيده وسالفه "
حنيت الك
بواهس طفل ؛
والدمعه حد "شفايفه"
حنيت الك
شوف شحصل ؟
تلكاني كلش مختلف
وعيوني ذبلها السهر
وصبحت كلش "ناشفه"

 

[mohammed.shams]

حگك وتنغر عليه
تحير ياهو يغطي شعرك ،،
وانه لاگيت المطر شمسيتي اديه

 

[mohammed.shams]

هذا انه مواعيد وگناطر چذبة أضنوني
أهيم وتكبر الظلمه
و أهيم وتزغر عيوني
الحزن شيريد چا يمته التهي بلوني

 

[mohammed.shams]

اثاريك طلعت ميل
كل ساعه بحضن ساعه.!

 

[mohammed.shams]

ربي فدوه
ردني الايام الطفوله.....
وكت هسه مااريده....
ردني جاهل....
جنت عاقل .. .
اغفه ...لوكالولي نام....
جانت الجذبه حرام

ربي فدوه

 

[mohammed.shams]

دمكم موش حالوب اعلى صفنه وماع
دمكم مهره حمره تفوج فوگ الفوگ
وتجيب الشمس للگاع
دمكم بالشمس طمّاع
دمكم حار كلّش ، يشلع الزنجار ،
وبيارغكم بعد شبرين من ألله
بيارغكم هلاهل تنده الغبشه
وتطم العار

 

[mohammed.shams]

وأفك للشبگة من بعيد
أغلة شراع
وأشبگك شبگة النسمات
للنعناع...

مظفر ألنواب

 

[mohammed.shams]

يا فكة عيون ألگلب
ياميزتي ألبيهة أنغر
مو رايدك وأتنفسك
لا يا نفس ... شيء أكبر

إيهاب المالكي