أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

جان بيني وبينك الله
وهسه بيني وبينك أعتاب وقصايد
ياعزيز افراك وجهك خله لوني
اتغار من عنده الكلايد

 

[mohammed.shams]

احب عناده من يزعل وشجراه
واسئل عن سبب هجره وشجراه
تذكر ذاك لمجين وشجراه
الكتبت اسمك عليهة بدم ادية

 

[mohammed.shams]

سمع وني المؤذن ..داخ شیگول.
صاح الله اکبر عل یعشگون
راد ایگول حی اعله الصلا گال
طرگاعه علیکم یل تخونون

 

[mohammed.shams]

‏مَيْلَن
لا تنكطن كحل..
فوك الدم
ميلن،
وردة الخزامه تنكط سَمْ
جرح صويحب
بعطابه
ما يلتم

مظفر النواب

 

[mohammed.shams]

الغيم يبجي وينسمع ون الگمر
وين اشر اجروحي والدنيه مطر

 

[mohammed.shams]

لگيت شگد زلم ما تستر العيب

ولگيت الحنة نثية وساترة الشيب

 

[mohammed.shams]

وكون تدرون بعيوني

ما ضلت ملامح من

كد ما بجيت خلافكم

 

[mohammed.shams]

يا كلمه التضم صوتي
انه بصوتي التعب ينشاف
واجرع ويل هلبت ليل زايد للعمر ينضاف
ثاريها شمعزها الروح وكت الضيم من
تنعاف

 

[mohammed.shams]

چان وجهك أول ولايات عمري
واخر دروب الضياع
وچانت اعيونك سمه لجنحان حلمي
تيهتني
ومن هذاك اليوم ادور
ما لگيت لحلمي گاع

 

[mohammed.shams]

اشمك جاي
بس اطلع سراب الگيك
واردن ردت المكسور
واكعد والتهي بطاريك