أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ما ادري ما عندَك گلب !
تتركنّي اعمهَ بنص درُب وتكسِر العكازَة ؟

مهند العزاوي

 

[mohammed.shams]

خلافك عيني مشتاكه لوجهاك
وعيوني تسلهم بنظره لوجهاك
اهي زليخه لمن نظرت لوجهاك
نست يوسف وكل طواريهه

 

[mohammed.shams]

عسى وبلچن..!!

تلوحك من بگايا ايامنه صفنــه
وتفر دولاب وگتك وين مادرنه


لــ عريان سيد خلف

 

[mohammed.shams]

اثاري العـــــــين مــــــثل الگـــــــاع

اذا شح العزيز أبشوگ تتفطر

 

[mohammed.shams]

ما سمعت احچاية امي وحسبيت
لمن گالت عيش بس گلبك صلف
الگطن والنداف ما يتوالمون الدنية خشنة اتلوك بس للمو ترف

 

[mohammed.shams]

ليش كل عمري اكابر

حتي اعيش متاني باچر

وهو باچر

بلاعيونك شنهي لذته ؟؟

وهوا گلبی بلایه حبك شتسوه دگته !!

 

[mohammed.shams]

شيصير لو تطلع شمس فرحه وعرس
شيصير لو رديت ياطيف الامس..!

 

[mohammed.shams]

‏انت وينك؟
‏من غبت نشز وكتنا وطگنه عوز ومن غبت ما گمنه نلتم واعتزلنه الكعده ذيج
‏ومره اذكر
‏بيك نحجي ومن وصلنه لحرف اسمك
‏هب حنينك
‏انت وينك ..
‏لا قريب ونعتنيلك
‏لا تجي ونلمحها عينك
‏راح نمشي
‏ولان ماكو انت بعد المن ندوم
‏هيه ظلت ذكرياتك
‏وانت
‏وشوية سوالف
‏وانت وينك
‏فاگدينك
‏⁧

 

[mohammed.shams]

مانسيتك
انت موبس فارگتني هددت عمري بمشيتك
مانسيتك
ياجرح يلچم بروحي وما أظن تخلص أذيتك
مانسيتك
لوعشرتك مثل باقي البشر چان تعذريتك
ما نسيتك
انت زارع بيه شجره وماتن اغصاني بعجل من فارگيتك
ما نسيتك
من تظيگ الدنيا انسه الناس كلها ولاتظن مره نسيتك

 

[mohammed.shams]

غنيلي يراعي الناي ،
هو المشتاگ يذبل لو سمع غنوه