أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يكلبي أشبيك تتلاهب...يمر بيك
وبعد محد من حبابك...يمر بيك
أفلان الجان كل فتره...يمر بيك
قفل حته جهازه وگطع...بيه

 

[mohammed.shams]

يتغازلن يم المحطه عيونهم

وتعثرن بس بالوداع ضنونهم

چانت سوالفهم سفر

يحچون والنيّه مطر

وتشابكوا جرف بجرف

حد ما كبر بيهم نهر

والگاع لمّتهم عشگ

من الوجوه التستحي

من الضاعوا بچلمة صدگ

واتواكحوا ع الليل والنوم

واستبشروا چي سمره الغيوم

باچر مطر والطايح يگوم

واتبللت بالغربه الهدوم

مدري الدمع ضيّع گمرته بثوبهم .!

مدري العطش چان اكبر من ذنوبهم

عشّاگ كتبوا ع الرمل

بس ما وصل مكتوبهم

 

[mohammed.shams]

عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه ؟!

 

[mohammed.shams]

من لونك
خَذو للـ شوف عين مكحله بـ صگرين
الترافه الـ بيّك
عبّرت عـ الورد صوبين
بـ نداك تشيّمن نهرين
أزرعك هيل
أحصدك شم
يالـ شايل غصن رمان
افراشي لـ جيتّك أتيمم

 

[mohammed.shams]

يـابعيد
شما مشه بوجهي العمر تلگاني احبك

 

[mohammed.shams]

صحبتك ليش كصرت ماطلتها
وانه الدنيا على مودك ماطلتها
جنت لك فرصه سهله ماطلتها
اخسرتني بسبب بطرانك عليه

منقول

 

[mohammed.shams]

نطرتة ايلوح شخصك عّلي مالاح ؟
وكصر حبل المودة اوياك مالاح
شحط فوك الملح ويصير مالح
اويغزر للاوكلهم بدية ؟

 

[mohammed.shams]

دك راسك إبكاع العشك
واصعد أمراجف للدف
أيام المزبن كضن
دكضن يأيام اللف

خلاني نيشان الدهر
وزيّر وتر نشابه
بالكوز سدد نبلته
نيشن أبكلبي وصابه
لا بيه أشاكف غدرته
ولا تنفع العطابه
لا تشكي من ظيم الدهر
وأكباله لا تتوسف
لو شاف رجه بالرجل
يفتل أحباله ويلتف
أيام المزبن كضن
دكضن يأيام اللف

 

[mohammed.shams]

غركان واليغرك يظن
أبسباحه ينجه الغركان
لا عون مد أيده إلي
ولا شفت نخوة بطران
علكت عيني بالسمه
مهموم وأدعي الرحمان
هلبت يعاين حالتي
ويحن علّي يتلطف
دعوه ونخيته بالشته
بالصيف نزلي الشف
أيام المزبن كضن
دكضن يأيام اللف

 

[mohammed.shams]

كلناهه غيمه وتنجلي
وتذب مطرها وتصحه
وظلينه ننطر جيته
يغسل أكلوب الملحه
لا كطرة نزلت للزرع
أتبخ الكلب وتفرحه
والنوبه ما طلعت شمس
وكيّل شتانه وصيّف
دك أنكر وشال السلف
والضيف ظل يتضيّف
أيام المزبن كضن
دكضن يا أيام اللف