أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[عطري وجودك]

وحك امي وغلاة فلان
من باجر اشيل بجفي ميزان
وانطي لكل بشر مقياسة مضبوط
وانسى اشلون جنت وياكم انسان

 

[عطري وجودك]

* بااحد الانفجارات*
المصور صور طير محروق بالانفجار لكنه لم يمت
اكو شاعر كتب شعر لهذا الطير
عجبني وحبيت انشره واللي يقول:-
شنهو ذنبك محترق بالانفجار ؟
انت هم شيعي وموالي لحيدرة
شنهو طاير فوك زوارالحسين ؟
لو طايف بشباج سبع الكنطرة؟
لو بگت مال الشعب .. كالبرلمان
لو بنيت اعشاش كلش فاخره
انته مشكلتك لانك بالعراق
والعراق البيه يعيش بمفخره
لو شهيد يموت .. لو ميت شهيد
احنه عدنه الدنيه مثل الأخرة

 

[عطري وجودك]

بنت الشهيد تخاطب والدها في يوم نجاحها تكله :
#الدنيا خسرت والمكابر #رابحة
#وانت ناجح واني جيتك #ناجحة
وأثنينه نملك #إرادة..
والفرق بس #بالشهادة
#أني لعابة هديتي وانت هديتك #فاتحة..
مؤلم ••••••

 

[عطري وجودك]

ونتلاكَة وعتب تترادم النظرات
وفوكَ اركَابنة ينرسم واقع حال
امن اصد ولكَة بركَبتك باقي اثر بوسات
وتصد الركَبتي وتلكة بركَبتي اعيال
وفهمني الربط بين العشكَ والسوكَ
شو تجمعنه نظرة ونفترك عالمال
خلي ابالك الصايغ يرد مهموم
والعامل يرد بجيوبة راحه بال

ل #رائد_ابوفتيان

 

[عطري وجودك]

أﺷﻤﺎ ﻣﺮﻧﻪ ﺍﻟﻔﺮﺡ ﻣﺎچنه ﻣﻮﺟــﻮد
ﻣﺜﻞ ﻃﺒﻊ ﺍﻟـﺮﻣﺶ ﻣﺘﺸـﻮﻓﻪ ﻋﻴﻨﻪ
ﺍﻗﺼﻮﺭ ﺍﻟﻨﺎﺱ ﺗﺒﻨﻲ اﺑﺴﺎﻋﺔ ﺍﻟﻌﻮﺯ
ﻭﺑﻨﻴﻨﻪ ﺍﻣﺎﻟﻨﻪ ﻭﻃﺎﺣــــــــﺖ ﻋﻠﻴﻨﻪ
ﺻﺤﻨﻪ ﻭمـــــاﺣﺴﺒﻨﺎﻫـﻢ ﻳﺴﻤﻌﻮﻥ
ﻭﻃﻠﻊ چف ﺍﻟﻮﻛـﺖ یخنگ حچینه
ﻏــﺮگنه ﺍﺑﺤﺮ ﻫﻤﻨﻪ ﻭﻟﻤﻨﻪ ﺍﻻﺷﺮﺍﻉ
ﻭﻧـــﺬﺏ ﺍﻟـﺼـﻮچ ﺑﻴﻬﻢ ﻣﺪﺭﻱ ﺑﻴﻨﻪ
ﺧﻠﻴﻨﻪ ﺍﻟــــﺬﻧــــﺐ ﺑﻤﻌﺎﻛﺲ ﺍﻟﺮﻭﺝ
ﻭﻃﻠــــﻊ ﺳــﻜــﺮﺍﻥ ﻗﺒﻄﺎﻥ ﺍﻟﺴﻔﻴﻨﻪ
#للشاعر المرحوم
صاحب #الضويري

 

[عطري وجودك]

يقول مصور في هذه الصورة:-
غلب النعاس على هذه الطفله وهي تبيع في أحد شوراع بغداد ولما أقتربت منها استيقضت وبسرعة قالت:
"عمو
اثنين بربع
اثنين بربع
عمو اشتري
بس لاتخلي بخاطري
تعبانه من ضيم الوكت
تعبني ضيمي وناظري
لو ابويه عايش تختلف
جا هسه احظر واجبي
وعشرات تلكه بدفتري
عمو اشتري
فدوه اشتري.

....مؤلم