أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[آهات حالمه]

‏المالهم عرفه بغلاتك، لا تلديهم عليك
‏المالهم نگشه بسمارك عوفهم وانفض أديك..

 

[آهات حالمه]

: مـو ذَنـبي وݪا ذنـبك
ذَنْب اݪمـا قِبل نِلتم
ذَنْب اݪمِسَح دمـْ؏َـاتي
و ڪِتب فـوگ اݪجِـفن تـحݪم !!

 

[آهات حالمه]

من تفز بالليل
رِد نام إعله چفك
لا أكو واحد چفه يرهملك مخده…
و لا أكو واحد يقره حزنك…
(نام يالمتعوب وحدك)

 

[آهات حالمه]

حـزينة الـروح وبغـيابك. شــعرنا
وقصــائد بيــك يامـدلل. شــعرنا
الشـعر لو شـاب ما نصـبغ شــعرنا
شبابي يعــود مــن تسأل علــــيا

 

[آهات حالمه]

فار الگلب بالشوگ چن فورة الماي
خلص صبرهه الروح والغالي ما جاي

 

[آهات حالمه]

عاتبت گلبي وحيل بعتابي لحيت
للمشو هم تشتاگ گال اسمع البيت
يمن ماشي بتوالي الليل.... ها عود
چنت شجرة وصرت بجفاك.. هاعود
ابشرك من رحت يفلان.......... هاعود
بقه بس النفس يندار بيه

 

[آهات حالمه]

مات حبك يالجنت شابع حنان
مات محبوبك بعد لتظن يجيك
مات لاتسال عليه شلون مات
شرحوا جثته لكو ميت عليك

 

[آهات حالمه]

قبل الدنيا ...
لمه ونجوم وكمر
الناس فوق السطو ح
سوالف حلوه وحكايات وعبر
كان يا ياما كان
قصص مرسومه وصور
والصغار ممتده تعد النجوم
حتى الشهب حين تمر.
وتغفى بعد غياب الكمر
العاشقين يسرقون النظر
حكايات همس وغزل
حتى سويعات السحر