أوراق الخـريف

[madness man]

‏أخبرني إذن أيها العمر..
مَن منّا سبقَ الآخر؟
أنا برغبتي الحثيثةِ في
ملاحقةِ أمنياتي..
أم أنتَ بلهفتكَ العارمةِ
لرؤيتي ناضجاً..
ولو من دونِ نصرٍ واحدٍ
في كل معارك الحياة .

 

[madness man]

‏أتتذكرينني يااوراق الخريف ؟
أنا صديقك القديمُ
ذلك الذي فقدتّهِ في زحام
الأيام عندما نضج قليلاً.
أعرفتيني؟
أنا ذلك الولد الهارب من سطوة
الفاقة إلى ذاكرة الشوارع..
أود أن اقول لكِ بان أحلامي لازالت طريةً ..
أ تفتقديني .. ؟
أنا أيضاً أفتقدك ..
أفتقد يدك التي كانت تربّت كل ليلةٍ
على صدري لأنام بعد أن اخرجت كل مافي صدري ..
أنا ربيبكِ الطيب
ذلك الذي خدعتْهُ وسامةُ الوقتِ
فاختلس حفنةً من عمره
دفعة واحدة وبات كهلاً .

 

[madness man]

اللهم صل على محمد وآل محمد في الأولين،
وصل على محمد وآل محمد في الآخرين،
وصل على محمد وآل محمد في الملاء الاعلى،
وصل على محمد وآل محمد في المرسلين،
اللهم أعط محمدا الوسيلة و الشرف والفضيلة والدرجة الكبيرة،
اللهم إني آمنت بمحمد ولم أره،
فلا تحرمني يوم القيامة رؤيته،
وارزقني صحبته،
وتوفني على ملته،
واسقني من حوضه مشربا رويا سائغا هنيئا لا أظمأ بعده أبدا
إنك على كل شئ قدير،
اللهم كما آمنت بمحمد ولم أره فعرفني في الجنان وجهه،
اللهم بلغ روح محمد صلى الله عليه وآله عني تحية كثيرة وسلاما

جمعتكم طيبة آلــ فخامة

 

[madness man]

يوم الجمعه .. لحظات بيضاء،
ودقائق رائعة، أرتشفوا من سلسبيلها،
ورتلوا الكهف بقلب خاشع وأكثروا من الصلاة على الحبيب ص
اللهم في يوم الجمعه،
أفرح قلوبنا،
وأغسل أحزاننا وهمومنا،
وأغفر ذنوبنا وخطايانا،
وأشفي مرضانا،
وأرحم موتانا وموتى المسلمين ..
اللهم ما قسمت في هذا اليوم
من خير،
وبركة،
وسعادة،
ومغفرة،
وشفاء،
وعافية،
وسعة رزق،
وإستجابة دعاء،
فأجعل لنا منه أوفر الحظ والنصيب إنك على كل شيء قدير ..!

اللهم آمين

 

[madness man]

وتبدو ...
هادئاً كأنك مُتصالح مع الجميع ،،
ولربما كان هۛـٰـذا النوع م̷ـــِْن السكينة حرباً صامتة
ضد كُل شيء ..

 

[madness man]

بالسطح مالتنه چنت مربي دجاج كوجن صيني .. بذاك الوكت چنت اكاثر بيهم و انزل الافراخ لسوگ الغزل ابيعهم … بصف بيتنا چان اكو هيكل ما كامل بنائه .. صاحب الهيكل رجال جبير بالعمر كلش و عنده ٧ ولد وبنات .. و بيهم ثنين مسافرين … توفى و صارت مشاكل عالورث و الهيكل بقى سنين على حطته ما كملو بنائه … بيوم من الايام اني غرفتي فوك و سمعت طبه عالسطح ساعه ٣ بليل … گمت جريت توثية و صعدت ركض و لگيت واحد بالقفص بيده گونيه … حس بيا هو و طفر و اني وراه و طبعا طلع طافر من الهيكل الي بصفنه .. طفرت وراه و ركضت وراه بالدرابين و الشوارع …. الشوارع فارغه ولا بشر بيها … و بالاخير طفر ببيت و من كل عقله اني ما شفته و اني هلگد ما مركز عليه طفرت وراه على نفس البيت و لگفته بالحديقة .. و بديت اضرب بي و يضرب بيا و طلعو اهل البيت لزمونه ثنينه خبزونه خبز …
انوب اول مره اشوف بيت بي ١١ مادري ١٢ زلمه و كلهم جثث مصفحة … والله العظيم اريد اصيح افهمهم الموضوع من كثر الكفخات و البوكسات احس روحي نفس ما بقى بصدري … اخير شي عافونه مسطورين بالگاع و جابو الشرطة … السوال الي بس ردت اساله للي شبعونه كتل .. اذا همه بالنهاية جابو الشرطة ليش كتلونه هالكتل ؟؟؟
ليش معافو القانون ياخذ مجراه … زين ليش ما سمعوني … الضابط چان شاب صغير بس محترم … حجيتله كل شي و گلتله امشي لبيتنه شوف الحاله … طلع لبيتنه و دكو الباب و طلع ابويه و اخويه … ابويه انصدم شنو شرطة شنو اني كل وجهي دم و شنو اني مكلبچ … اني خفت لا يشك بيا لان بدون شي ابويه چان رافض فكرة اربي دجاج واكاثر بي و يكلي هاي سوالف مطيرچية …
بس همزين اتفهم الموضوع و صعد الضابط فوگ شاف القفص مفتوح و الحرامي الكلب (مكرم القارئ) يكلهم هذا صاحبي بس من ساله شسمى ماعرف اسمي …
بس چان يعرف اسم اخويه الچبير گال سلام مع العلم اني اسمي سعد … و من طلع ابويه جنسيتي عرف الضابط روايتي الصحيحه … الظاهر الحرامي كرايبه او اصدقاءه بالمنطقة كايليله بيت ابو سلام عندهم دجاج كوجن …
الحاصل ابويه ثاني يوم اخذني للبيت الي ضربوني و طبعا على حظي چانو جاييهم خطار من غير محافظة بمناسبة خطوبة ابنهم و البيت بالعادة بي بي بس ولد واحد و الاب بس قدري و قسمتي خلاني الحك الحرامي و اطفر عليهم بيوم الي عدهم خطار … الرجل تعذر من ابويه و ابويه هم تعذر منه لان المفروض ادگ بابهم مو اطفر عليهم … و راحت ايام و جتي ايام واني اشتغلت سايق بكيا بخط بالمنطقة …
و اخذت خط طالبات اوديهم و ارجعهم ..
الخط اصلا السايق الي قبلي چان ماخذه .. بس من ركبت بالسياره سايق اني گمت اخذهم …
واكيد الدفع الشهري مال الخط لصاحب الكيا اني مجرد سايق بيوميتي … الطالبات چانو يتجمعون بركن بمنطقتنه اخذهم من الركن و ارجعهم للركن …
اول ايام كمت احس البنات يباعون عليا و يضحكون … حتى حسيت بخلل بشكلي .. و تكررت الحاله اكثر من مره … و بيوم من الايام رحت اخذهم و بيومها بس بنات ثنين مداومات … اخذتهم و قررت اسألهم ليش اول ايام يضحكون .. و سألتهم .. و الي جاوبتني هم ضحكت .. گالت تعرفني … گلتلها لا والله … گالت تذكر بيوم من الايام طفرت ببيت ناس بالغلط و طلعو ضربوك .. گلتلها اي ؟؟
گالت اني بنتهم و صعدنه فوك بالسطح اني وامي نباوع عليكم انت و الحرامي لحد ما جتي الشرطة اخذوكم و بعدين عرفنه انت چنت لاحك الحرامي و ماعندك شي .. من گالت هيج اني صرت اصغر من زرف الابره … و عرفت هي حاجية القصة للبنات … و طبعا هي اعتذرت لان حچت للبنات .. بس بيوم الي حچتلي السالفة و سولفت وياي يا سبحان الله گلبي رف عليها … و من ورى هاليوم رغم ما اني مستحي من الموضوع كله بس صارت بيني و بينها نظرات .. و قررت اكتبلها رسالة بس چنت خايف كلش من ردة فعلها .. بذاك الزمن اني چنت طالب اعدادية و اداوم مسائي لان اشتغل الصبح … و چنت صف سادس ادبي و اخر سنه لان رسبت سنتين … و كتبتلها الرسالة بس تعال شلون انطيها الرسالة هنا المصيبة .. مضمون الرسالة چان عن الاعجاب بيها و وصفت شكلها و لحد الان اتذكر چان اكو مسلسل مدبلج اسمه عروس البحر … البطلة اسمها مارلينا … وصفتها بيها و چان المسلسل كلش مشهور … و ٤ اسابيع الرسالة بجيبي بالاخير انطيتها الرسالة و ايدي ترجف … و بيوم الي انطيتها الرسالة و رجعت للبيت كل شويه اتخيل الباب راح تندگ و يجوني نفس المجموعة الكونكريتية يستلموني طبن طبن … بس عدت على خير و ثاني يوم ابتسمت بوجهي و عرفت هي موافقة مبدئيا عالفكرة … و الله العظيم چانت الدراسة بالنسبة الي مو مهمة … من حبيت هالبنيه و طبعا صار حجي بيني و بينها قليل هي حفزتني عالنجاح و الله العظيم نجحت و طلعت معدل حلو … و بفضل من الله و من ثم هالبنية انقبلت ادارة و اقتصاد … و داومت كلية و هي هم خلصت اعدادية و دخلت اداب انگليزي … و بعد ما اتخرجت توظفت و هم اشتغلت و تقدمت الها … بيوم الي تقدمت الها ابوها و اخوها لازمتهم الضحكة و ابوية غير يسكت ؟؟؟
غير ميرجع لنفس الموضوع … غير همه عبالك چيس مي متروس و منتظرين واحد يچكهم بدنبوس حتى ينفجرون ضحك … يعني يا يابه الله ينطيك الصحة اول جملتين گالهم ((و ابني غني عن التعريف و اكيد انتو تعرفوه و كاتلي قبل))
من گال هيج حتى الي جايين وي ابويه خربو ضحك و ابو البنيه راد يكملها گال اني قابل و ما يحتاج مقدم و مؤخر لان احنا ماخذينهم ليگدام … اني اخاف ذيج المره صرت اصغر من زرف الابره هالمره اختفيت و تلاشيت و كأني لم أكن … و طبعا بعد هالنكات و الضحك المستمر تمت الموافقة و ورى كم شهر تزوجت الحمدلله ومشى العمر و قبل شهر من اليوم بنتي الچبيرة جابت اول حفيد الي و سموه على اسمي سعد … صرت جد يعني و طبعا هو شعور حلو بس كبرنه و كلها صارت سوالف … نسيت شغله .. اي فاتحة لو عرس لو مناسبة لگرايب مرتي على مدار كل هالسنين ما رحت .. و ما حاجة اگول ليش ..
(ابو الدجاج الصيني)


منقول من صفحة العزيز ابو بغداد( سايف تكسي )




هذا الولد سولفه حلوه
لكن مشكتله سوالفه طويلة
وماادري تحبون هيج شي لو لا

 

[madness man]

غالباً ..
نجد أشياء لا نبحث عنها ..!
ونبحث عن أشياء لا نجدها..!
أراكم على كل خير

 

[madness man]

صباح الخير لكم جميعاً

 

[madness man]

ولو سألتني عن الحب ..
لحدّثتك كيف يحوّل شخص واحد فقط ..
باتصال واحد فقط ..
برسالة واحدة فقط ..
بكلمة واحدة فقط ..
حياة شخص آخر ..
من العدم إلى الوجود ..
من التعب إلى العافية ..
كيف يعيد له رئتيه ..
وملامحه ..
وضحكته ..
وشعوره بالرغبة في الحياة أكثر ..
الحبّ شيء أقرب لنفخ الروح
هو فخ .. لكنه فخ جميل ..

 

[madness man]

‏راضون منك بنقطةٍ فأبعث بها
إن النقاط من الحبيبِ كتابُ



أجمل ماقرأت هذا الصباح