رد: أٌريد هذا المساء أناقتي من يدك تلبسني خلخالي وتضع لي احمر شفاه
بين جفنك وعينك الف معنى ومعنـى
وش بقى للقصايد يوم ترخي جفونـك
انت ياللـي بزينـك جيتنـا تنتزعنـا
وسع الصدر وارحمنا على هون هونك
انت والله لـو انـا بنسـري رجعنـا
لا انتهى زين غيرك كنهـم يبتدونـك
حي ذاك الحلا اللي فيك عنه انقطعنـا
مبطي(ن) ما ورده الزين ما يشبهونك
كم بغيناك في وصفن وانا اقول ضعنا
عجزت ابيات شعر معذبك ياصفونـك
كم شرينا بسوق الوصف غيرك وبعنا
وانت مهما وصفنا كله يطيـح دونـك
يامضيق صدور البيض في مجتمعنـا
والله اني وشعري ما قوينـا عيونـك
تذكر النظره اللي من وراهـا اندفعنـا
يوم تقبل سكونك مختلط مع جنونـك
مـا تكلمـت لكنـا سمعنـا واطعنـا
وكن هالناس مثلي كلهـم يفهمونـك
جيتنا في غرور ورحت تعلـن ولعنـا
لو تبيـع حكيـك والله انـي زبونـك
يـوم قفيـت والله ثقلنـا مـا نفعنـا
خذت ناس ونـاس ودهـم يتبعونـك
دام قلبـك كبيـر راهي(ن)يتسعـنـا
ضفنا فيه والا ضفنـا فـي ردونـك
اثر للزين هيبـه تونـا مـا أقتنعنـا
اقر لا جيت تطلع وانتبـه يحسدونـك
لو معانـا سكاكينـن لـك الله قطعنـا
بس ربـك حميـد وقطعتنـا عيونـك
