إنت مو أحسن مني يا صديقي..قلم يوسف

[على إيقاع أصابعها]

مرحبا اصدقائي..

بدون مقدمات روتينية حبيت افتح هالموضوع بتلقائية وهو اول موضوع الي بهالقسم الجميل وحبيت اطرحة بلهجتي البغدادية بعيد عن الفصيح والتعقيدات الي ممكن ماتروق للبعض..
هواية شغلات دنشوفها بحياتنا بيها نسبة من الازدواجية الغريبة..
بالبداية احنا كلنا على خطأ وذنوبنا جبيرة..
صح بينا نفس ملائكي بس ماننكر وجود نفس ابليس الي يخلينا نحقد او نكذب او نشتم او نتعالى..
وركزولي على كلمة التعالي الي اشوفها اليوم تطغى بصورة رهيبة على شخصيتنا بصورة غير مبررة..
ويكول الشاعر سعد محمد رحمه الله
"اذا ردت تعله لتشلبه فوك
انزل دون ربعك لو ردت تعله
الماي شكد شريف وبيه حياة الكون
ويدور الناصيه ومادور التله"
نكران الذات امر ايجابي وحلو..
انت ياصديقي ما ترتقي اذا نجحت بشي وتعاليت ..
انت يا صديقي لا تشوف نفسك على غيرك و غيرك افضل منك قد يكون..
صحيح حب النفس شي حلو بس حبها بحدود..
ليش تخلي ابليسك يتغلب على الملائكية الي بداخلك..
امير المؤمنين علي عليه السلام قال "الإيثار فضيلة والإحتكار رذيلة"
صارت عندك فلوس؟
طيب هالفلوس مو معناتها ناطحت مال قارون وملكت الدنيا وكانما فلوسك صك يؤهلك لدخول الجنة!
صار عندك طفل؟
طيب احمد ربك بدل متجرح شخص اخر يعاني من عقم وترا معجزة زكريا لم تمت!
حصلت الماستر او الدكتورا؟
مبروك وتستاهل لانك جديت واجتهدت بس لاتنظر للناس بطريقة انك افضل منهم وتخلي فوارق تاذيك ومتنفعك!
خليك سلس وبكل عمل تسوي لثانية وحدة بس خلي الله بين عيونك..
هاية النظرة الاستعلائية مشكلة..
وماريد اكول موجودة بفئة دون اخرى لان يمكن اني وانت اي انت الي تقرا عندك هاي النظرة..
30 سنين مرت من حياتي عاشرت الزين بيها والموزين سويت بيها الخير والمو خير اي اعترف لان اني بشر واني مو يوسف النبي الطاهر التقي..
بس اخطائي وكفت كدامها
وشفت اني مااستاهل اكون بهالصورة..
لان الطفل البداخلي يرفض اكون انسان حاقد او كذاب او جبان او متعالي او "سخيف"
والشخصية الي تربيت عليها والي انصقلت من التجارب الي عشتها وتعايشت بيها شفت نفسي محتاجة للتغير للافضل اكثر واكثر واعرف كدامي طريق طويل لان التغير ما يكون بين ليلة وضحاها بس اهم شي هي نقطة البداية..
المشكلة الاستعلاء مفهوم بي حديث ما ينتهي..
انت تخيل وصل لدرجة شخص يتعالى على الثاني بسبب عشيرتة
او طائفتة!
والعشيرة مو دايمتلك وما تشفعلك عند ربك بيوم الحساب!
وطائفتك مابيها نص سماوي بأنك مختار عصرك مهما كانت طائفتك سواء من طوائف المسلمين او غير المسلمين!
كلش هالمصطلح مؤذي!
وكلنا نعاني من دعشنة فكرية!
كلنا نشوف نفسنا اني الاحسن اني واني واني!
هاي الانا القاتلة المسرطنة للفكر مدنعرف شلون نوضعلها حد؟
ومن الاشياء الاخرى للاستعلاء
من تتكلم بصفة التملك لشي هو اصلا مو ملكك وتترفع على غيرك بطريقة بشعة..
احنا النادي الي سحلناكم ذبحناكم و و الفاظ سخيفة بشكل توصل لتجاوز على شي هو اصلا مامهتملك ولا يعرف الله خالقك من الاساس..
اني مااريد اكول هالنظرة موجودة بس بمجتمعنا العراقي او العربي..
لاني سافرت دول هواية وبرغم تنقلاتي العديدة شفت العنصرية شفت التعالي بس اني حبيت اخص مجتمع "إقرأ" لان احنة خير امة اخرجت للناس..
وخير امة اليوم نشوفها وللاسف وحاشا لربي اسوء امة بتصرفاتها الغريبة واللاانسانية والهمجية والعنصرية..
اني ماحب اكون سوداوي بفكرتي المطروحة ولا احب اصورلكم الحالة بطريقة مأساوية بس حبيت اطرح هالشي الي لا يمكن انكاره ولا يمكن التقليل من عندة ابدا وهدفي التغير بنفسي قبل محاولتي تغير الاخرين..
وتهذيب سلوكياتنا وتصرفاتنا لان ماكو احلى من تترك ذكرى طيبة بتواضعك وتعاملك النقي..


واسف على الاطالة




صديقكم واخوكم
يوسف

 

[شهد~]

رد: إنت مو أحسن مني يا صديقي..قلم يوسف

صباحكم عناقيد فرح

ال الفخامة الغوالي
الاخ العزيز يوسف
تحية ود واحترام
موضوعك جميل جدا رغم الصعوبة في الكتابة بالعامية ههه
التعالي اصبح صفة ملازمة للكثيرين
يكون صديقك او صديقتك وشايف نفسه الافضل
الكمال لله تعالى
لا المال ولا المناصب والشهادات ترفع من قدر البشر

الانسان بحُسن خلقه وتواضعه
قال الامام علي عليه السلام
كل داء يداوى إلا سوء الخلق

ومن وجهة نظري وحسب تخصصي

من تتعالى عنده نعرة الانا يكون انسان غير سوي يشعر بالنقص
يحاول اخفاء شيء في ذاته
ويتعالى على المقربين حوله
كالتضاهر بالثقافة الزائفة
او التباهي باكاذيب يكذبونها ويصدقونها بانفسهم
لكن سرعان ما تظهر الحقائق وينكشف المستور
فيصبح الشخص منبوذ من قبل المجتمع
اعتذر عن الاطالة
باختصار ماطار طير وارتفع الا كما طار وقع

تقديري

 

[على إيقاع أصابعها]

رد: إنت مو أحسن مني يا صديقي..قلم يوسف

صباحكم عناقيد فرح

ال الفخامة الغوالي
الاخ العزيز يوسف
تحية ود واحترام
موضوعك جميل جدا رغم الصعوبة في الكتابة بالعامية ههه
التعالي اصبح صفة ملازمة للكثيرين
يكون صديقك او صديقتك وشايف نفسه الافضل
الكمال لله تعالى
لا المال ولا المناصب والشهادات ترفع من قدر البشر

الانسان بحُسن خلقه وتواضعه
قال الامام علي عليه السلام
كل داء يداوى إلا سوء الخلق

ومن وجهة نظري وحسب تخصصي

من تتعالى عنده نعرة الانا يكون انسان غير سوي يشعر بالنقص
يحاول اخفاء شيء في ذاته
ويتعالى على المقربين حوله
كالتضاهر بالثقافة الزائفة
او التباهي باكاذيب يكذبونها ويصدقونها بانفسهم
لكن سرعان ما تظهر الحقائق وينكشف المستور
فيصبح الشخص منبوذ من قبل المجتمع
اعتذر عن الاطالة
باختصار ماطار طير وارتفع الا كما طار وقع

تقديري

احسنتي عزيزتي شهد
كلامك صحيح وجميل
وبالفعل الانسان المتعالي هو انسان غير سوي
وكانما منحدر من نسل فرعون
وشي ماشي بدمهم
واليدفعني اختي شهد لعمل هالموضوع لان فعلا هالشي موجود
وانا اشكرك لانك الوحيدة الي اهتميتي بالموضوع
وشرف الي ياطيبة
برغم حزني لاهمال اعضاء المنتدى قسم النقاش للاسف وهالشي يحزني وممكن مايشجعنا لكتابة مواضيع اخرى
جزيل شكري وامتناني عزيزتي
...

 

[شهد~]

رد: إنت مو أحسن مني يا صديقي..قلم يوسف

احسنتي عزيزتي شهد
كلامك صحيح وجميل
وبالفعل الانسان المتعالي هو انسان غير سوي
وكانما منحدر من نسل فرعون
وشي ماشي بدمهم
واليدفعني اختي شهد لعمل هالموضوع لان فعلا هالشي موجود
وانا اشكرك لانك الوحيدة الي اهتميتي بالموضوع
وشرف الي ياطيبة
برغم حزني لاهمال اعضاء المنتدى قسم النقاش للاسف وهالشي يحزني وممكن مايشجعنا لكتابة مواضيع اخرى
جزيل شكري وامتناني عزيزتي
...

الاخ الفاضل يوسف

من دواعي السرور الاشتراك بمواضيعك القيمة
للاسف مشرفة القسم تعرضت لحادث وهذا سبب غيابها
الشهادة لله اثناء وجودها كان القسم يشع نشاطاً

ثم الموضوع لم يمر عليه سوى يوم لا تتعجل. ياغالي
تقديري