اذا گلبك يحبني انطيني اثبات
وابصملك احبك اني بالعشرة
بگد بغداد احبك وبغلاة الروح
وأنا لأجلك احب واعشگ البصرة
يلعينك جزيرة أتيه الخيال
ومعلوم اليشوفك ينشغل فكرة
وحگ رقة احساسك يارقيق أحساس
أفرح من أشوفك فرحة الزهرة
وأحزن لو غبت عني حزن عاشور
وحگ شهر الصيام وحرمته وأجره
وحگ حبك حبيبي وقسم بالرحمن
الگلب عگبك عليل ومنتهي أمره
ياأحلى ورد ياترف چنك ياس
وأخذ لونه الورد منك وأخذ عطرة
من شعرك يصيح الليل آه ياليل
ويخجل من عيونك ياحلو فجرة
الشمس منك تغار وتستحي وتغيب
لأن انت بجمالك ياحلو بهره
ولازم تستحي وطبعا أكيد تغيب
لأن ويه الشمس ماترهم الگمرة
