ابوذيات جميلة للشاعر الراقي سعد الحسن
اترككم مع الكلمات الطيبة
لحوك بثوب حسنك و انسجنه
بجهنم حبك ارضه و انسه جنه
انحبسنه بقفص عينك و انسجنه
و تحط رمشك كلبجات بأديــــــه
بس ميانه
الحلو ردنا يجينه بس ميانه
و ابد ما ردنه كوه بس ميانه
اريدن طابو كلبك بأسمي انه
عقار اسحب عليه و ابني اليه
و انته راوي
اراوي جروح كلبي و انته راوي
و رواية شوك روحي و انته راوي
عثك الناس حشف و انته راوي
بريمك طاح من خدك بديه
دلالك
عكلي ما دلا لغيرك دلا لك
حلو و يمرعد بكلبي دلالك
كم كم خني و معاشر دلالك
صافي اشرب و خلي البثل ليه
ترتجي انته
بعد المن تتاني و ترتجي انته
تشيل تهيم حتما تره تجي انته
بلايه عضام تمشي و ترتج انته
اتفصخ خاف كل وصله بزويه
مرهم انه
اهوج خلاف عينك مرهم انه
و اهد بعناد جرحك مرهم انه
حلو كلش و اشرك و مر هم انه
علج بس تجي مروره طعم بيه
ما رهمنه
و حكك عكب عينك ما رهمنه
و ابد مفتاح غيرك ما رهم النه
و لون ايوب يوما مره همنه
جر اذنه الصبر على البليه
كهرب انه
نزل بالريح يجفل كهرب انه
شما تفركني افوحن كهرب انه
خزرني و من خزرتك كهربانه
انتلنه و شفنه بي عين المنيه
و انتلنه
يون كلبك و ندري ونته النه
تكهربنه بودادك و انتلنه
رخي ويه الناس شصك ونته النه
اجت سنارته بلا طعم بيه
و اختلفنه
جم حسره التهدنه و أخ تلفنه
و جم اخ الدمرنه و أخ تلفنه
لون احنه انجسمنه و اختلفنه
نطمع الشامت الذاته رديه
و انجب
العمر ماي و تبده غفل و انجب
وكفهيت التنعثر و اكع و انجب
الوكت من زمخ كتله انلصم و انجب
و خزرته بغيض من عاين عليه
من نزفهن
انه جروحي عرايس من افزهن
و غدت حمرة حلكهن من نزفهن
انه ازمخ عليهن من افزهن
انط زهكان و يضحكن عليه
و عضك
يا كلبي تبرة احببك و عضك
و لا صحلك اخو ينصحك و يعضك
الناس التهمت بالعضني و عضك
للتخرمش مخالبهم قويه
عضيدي
الدنيه كسرت جفي و عضيدي
و بعد ميفيد عض شفتي و عض ايدي
شلي بدنياي لو غرب عضيدي
هذاك الجان من اوكع تجيه
منقوووووووووووووووول
اترككم مع الكلمات الطيبة
لحوك بثوب حسنك و انسجنه
بجهنم حبك ارضه و انسه جنه
انحبسنه بقفص عينك و انسجنه
و تحط رمشك كلبجات بأديــــــه
بس ميانه
الحلو ردنا يجينه بس ميانه
و ابد ما ردنه كوه بس ميانه
اريدن طابو كلبك بأسمي انه
عقار اسحب عليه و ابني اليه
و انته راوي
اراوي جروح كلبي و انته راوي
و رواية شوك روحي و انته راوي
عثك الناس حشف و انته راوي
بريمك طاح من خدك بديه
دلالك
عكلي ما دلا لغيرك دلا لك
حلو و يمرعد بكلبي دلالك
كم كم خني و معاشر دلالك
صافي اشرب و خلي البثل ليه
ترتجي انته
بعد المن تتاني و ترتجي انته
تشيل تهيم حتما تره تجي انته
بلايه عضام تمشي و ترتج انته
اتفصخ خاف كل وصله بزويه
مرهم انه
اهوج خلاف عينك مرهم انه
و اهد بعناد جرحك مرهم انه
حلو كلش و اشرك و مر هم انه
علج بس تجي مروره طعم بيه
ما رهمنه
و حكك عكب عينك ما رهمنه
و ابد مفتاح غيرك ما رهم النه
و لون ايوب يوما مره همنه
جر اذنه الصبر على البليه
كهرب انه
نزل بالريح يجفل كهرب انه
شما تفركني افوحن كهرب انه
خزرني و من خزرتك كهربانه
انتلنه و شفنه بي عين المنيه
و انتلنه
يون كلبك و ندري ونته النه
تكهربنه بودادك و انتلنه
رخي ويه الناس شصك ونته النه
اجت سنارته بلا طعم بيه
و اختلفنه
جم حسره التهدنه و أخ تلفنه
و جم اخ الدمرنه و أخ تلفنه
لون احنه انجسمنه و اختلفنه
نطمع الشامت الذاته رديه
و انجب
العمر ماي و تبده غفل و انجب
وكفهيت التنعثر و اكع و انجب
الوكت من زمخ كتله انلصم و انجب
و خزرته بغيض من عاين عليه
من نزفهن
انه جروحي عرايس من افزهن
و غدت حمرة حلكهن من نزفهن
انه ازمخ عليهن من افزهن
انط زهكان و يضحكن عليه
و عضك
يا كلبي تبرة احببك و عضك
و لا صحلك اخو ينصحك و يعضك
الناس التهمت بالعضني و عضك
للتخرمش مخالبهم قويه
عضيدي
الدنيه كسرت جفي و عضيدي
و بعد ميفيد عض شفتي و عض ايدي
شلي بدنياي لو غرب عضيدي
هذاك الجان من اوكع تجيه
منقوووووووووووووووول
