ابو ذياب مختارة

[رمااد اانسان]

اعترفت بعضمت لسانك .. وقريت
شمالك عتعتت هسة .. وقريت
انة العلمتة القراية .. وقريت
وهسة يريد يقراهن علية
@@@@@@@@
البشر معدن تعرفة بيوم .. ينحاك
يوم التوكع ومكسور .. ينحاك
علي خيط المصايب كام .. ينحاك
والتكتلك اخوي الحاكة الية
@@@@@@@@@@
ارضعتني الدنية همهة .. من اهدهة
طحت والطيحة طيحة .. من اهدهة
والله بصدري حسرة .. من اهدهة
ابجّي المن صخر كلبة علية
@@@@@@@@@@@
اوعي بالضماير ردت .. يوعان
طحت ما شفت واحد كام .. يو عان
بدي وكلت اخوي الجان .. يوعان
مسح حلكة بقميصي وعض ادية
@@@@@@@@@@@
انة الما يوم خلّة وياك .. خليت
شجاك وبالظهر سجين .. خليت
شعندي وشبعد يا ترف .. خليت
صفة حتة البدي هم موش الية

@@@@@@@@@@@
هاك خيوط روحي .. هاك ابرهة
ولو صاير بحرهة .. هاك برهة
الك حسرة بدليلي .. هاكبرهة
علي ثكلت مثل ثكلك علية
@@@@@@@@@@
صفنتلهة وضربت اخماس .. بسداس
وتعبت على البنيتة وياك .. بسداس
صحيح انة لعبت وياك .. بس داس
غلبتني بطيبتي العمت علية
@@@@@@@@@@@

تحن الروح كلساعة .. ترف لاك
ومشيت وظلت عيوني .. ترف لك
اذا ما جيتني الليلة .. ترة أفلاك
اسوي وجاينة انصب علية
@@@@@@@@@@@@
وحك هموم البصدري .. والاكراب
الماي بغيبتك صدك .. ولك راب
الي رب اليصبرني .. وألك رب
اليفجعك بالعليهم خنت بيّة
@@@@@@@@@@@@
زماني بفركتك حزين .. حزنة
وعلى كل الحزن والنوح .. حزنة
تعال على الدليل وشوف ..حزنة
مغيم ما صفة ومخبوط ميّة
@@@@@@@@@@@@

 

[آهات حالمه]

تحن الروح كلساعة .. ترف لاك
ومشيت وظلت عيوني .. ترف لك
اذا ما جيتني الليلة .. ترة أفلاك
اسوي وجاينة انصب علية

..................

إنتقاء ثري بالذائقه
سلمت ودام رقي ذوقك
بإنتظار القادم بشوق
أرق التحايا