اتاخرتوا علي.. طولتوا يمه

[آهات حالمه]

اتاخرتوا علي.. طولتوا يمه
قلقتوني شنو الشغله المهمه ؟
مومشكله احجولي اشكال ماكال
اشم بثيابكم ريحة مذمه
كلكم صرت ماضي ومااهمه؟
انتهى كلشي ويريد ابريله ذمه؟
آنه اتخوني ذاكرتي مرات
رحمه الولديكم هوه شسمه !
حسباله يجيني الخبر وانهار
سبع سنين اظل عايش الصدمه !
امشي اعلى البحر اكضيهه صفنات
احب ضي الكمر وتحبني نجمه !
واشخبط عالرمل وابنيله ثمثال
وظل ابجي وتجي الروجه وتهدمه
خطيه هواي يحلم رايح ابعيد
وفرق مابين حلمي وبين حلمه
ناصبله مشانق حتى بالبال
بس يخطف علي طاريه اعدمه
آني وثم آني وكان من كان
اصبعين اعلى روحي مااقدمه
كلكم عافني ويرجعلي هيهات..
جا شمتاني ميسويله همه..
انا البايك ضواه خليه سنه ايغيب.
.وترس ريتي هواه ما حاجه اشمه..
بس هو صدك ماكال مشتاك؟؟
.لايشتاك مو فد ....؟ هيه قسمه!
شبيهه اعيوني يمكن لاحهه اتراب..
ماباجي عسه بهاللحظه تعمه..
من يمهم فتت ؟ اي يعني وشصار...
حضرته المنطقه امسجلهه بسمه!؟
كعدت ابابهم ؟ كلوله غلطان.
وكع مني دمع دنكت المه..
ولو طالع مسلم مااحاجيه
بس ابكلبي اكول الله ايسلمه
تتوقعون اريد اتصالح وياه؟..
ابشرفكم تالي عمري اكسرلي كلمه ؟
ششايف روحه ..اتنازل واراضيه
اذا راضيته اكلكم وين اعزمه؟
آنه الخوش زلمه ومااطخ راس
لكن بالعشك موخوش زلمه

للشاعر يحيى العلاق

 

[الرااااكد]

يعطيك العافيه
اخت آهات حالمه
على النقل الطيب
سلمت يدااك لاخلا
ولاعدم

 

[رمااد اانسان]

يسلمووو على الاختيار الموفق والنقل والمجهود
أرق تحية طيبة

 

[آهات حالمه]

شكرا للمرور البهي الذي عطر المكان
ارق التحايا