اتعنى المچان الي كعدتة وياك

[رمااد اانسان]

اتعنى المچان الي كعدتة وياك
ما الگاك بس رايد اثر منك
بلچن چلمة ضلت ما نگلها الريح
الكاها وتجاوب بالنشد عنك
لو ادور عطر منك بقى اعلى الكاع
احط نفسي علية افيش اشمنك
اجدامي من النشد دوخن راس الكاع
يدورن اثر منك بية يتبعنك
عكدة براس فكري كلة احلها شلون
أأيس لو اظل للموت انطرنك
لو اجمع صفنتي وانته بيها تصير
لحظة وياك اعيشن كافي احسنك
وبلا موعد لكيتك صدفة لعبت دور
جابتني عليك تريد افضحنك
لكيتك انتة لكن موش ذاك الجان
وحتى انته البيها مو شبه جنك
واحس كلبي انتفض دكاته بيهن غيض
دردم جم خرز دار الوجه عنك
ونزعتك ثوب ميت طول شك الزيج
شطفت ايدي اخافن بية اثر منك

 

[mohammed.shams]

روووعه
عاشت الايادي

 

[قيصر الحب]

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي