إن إذا حب يت أحبك من ضمير
روحي شمعه ليل تذبل من تحب
وإذا اكهرك الله يستر من وراي
وضل بكيفك تكمل تنسحب
تريد تعشك راح تلكاني ملاك
وحضن دافي وورد والوان وعشب
وأنت إذا رايد لعب لعب
اهلا تعال هاي سهلة وحتى ما بيهه تعب
العبك والعب على اللعبو عليك
العلمك تلعب أعلمه ع اللعب
تريدني أسهل سهل وياي صير
تريد تصعب راح تلكاني صعب
تريد من عندي عشك أنطي حنان
تريد من عندي ذهب أانطي ذهب
تريد من عندي وصل أنطي وفاك
تريدتنطيني جذب تاخذ جذب
ولأن واحد كلبي واحد يبقة بي
اني ماعندي حبيبين بقلب
أني مثل النار تنطيها تزيد
منها تاخذ راح من يمك تشب
عيني إذا مابيك تمليها حنان
راح من تروح يمك ما تصب
وباب قلبي إذا متحني بديك
لو شلعت الباب ما تكدر تطب
تريد تكسرني صعب لين اصير
تريد تعصرني تلاكيني صلب
بكيفك أني شلون ما رايدني اصير
جاهز اني ومنتظر عند الطلب
الخشب نفسة تريد تصنع بي خراب
تريد كرسي ملك تصنع بالخشب
أني طبعي ويه العشك نخلة ويه كاع
إذا ماكو الماي ما تنطي رطب
وابد لا تستغرب الحب لو عذاب
هية رحمة ولابسه هدوم الغظب
الحب جرح لمن نداويه نحتويه
والجرح لمن نهجرة يلتهب
بلعشك كلشي اكو … كلشي يصير
أكو بالغصبا وأكو لا .. مو بالغصب
لا تستغرب لجل التحبة تموت
بالعشك ماكو عجب بس العجب
ناس ماتت حتى التحبه يعيش
وناس عاشت لاجل التحبه يحب
بيوت عمرت بالعشك صارت قصور
وبالعشك نفسه .. نفسه .. الف بيت انخرب
ثنين يعني الحب اذا ثالث يفوت
حرف ثالث فات يتحول حرب
المثل ميضربونه اذا عاشك اسير
المثل مرات بالحب ينضرب
مو شكو حب يستمر يعني صحيح
ومو شكو حب ينتهي يعني نصب
أكو حب ينتهي بس ذكراه يعيش
وأكو حب يستمر بس اسمه انشطب
سبب حبك اذا تلكاه لا تكول
أحلى حب من تحب تلكاه صدف
.gif)
