اذا موكدها ليش تروح للكدها

[ابو مناف البصري]

اذا موكدها ليش تروح للكدها
وتخلي دموعها تتلاطم بخدها

الي تزوجتك نصفك الثاني تصير
ليش تسب ببوها وتلعن بجدها

ترضاها اعله اخيتك هيجي بيها يصير
ترضه انسان تبجي البيتك يردها

ترضه تشوف خدها بلاسبب مضروب
ترضه تعوفها وماتوكف بسدها

رحمه الوالديكم يلي تتزوجون
لاتاخذ بنت موانته رايدها

لتكلي ابوي وامي هيج تريد
انته اختارها وهيه امك شعدها

كل همها سعيد تشوفك ومرتاح
وانته باختيار الزين تسعدها

اختار التسندك لو وكعت بضيج
وانته بساعة الشدات تسندها

عون الها تريدك لاتضل فرعون
خلصانه الحياه والدنيه هاكدها

ضل بطيب عايش تنذكر بالطيب
من تموت جثتك نوكع بسدها

ضل بحقد عايش تنلعن كل يوم
بكبرك والمسبه الكبرك تعدها

الشاعر ميثم السعيدي

 

[بنت العز]

موضوع جميل تسلم ايدك