اريد أعلن حداد وللعشك ماعود

[✿قہہمہہر✿]

اريد أعلن حداد وللعشك ماعود

واريد انساك ونسة البينك وبيني
وشك دفتر غرامك خاطر انة انساك
ودير الوجه عنك من تلاكيني
ماريدك بعد لو انت روحي اتصير
وماريدك لون من موت تحييني
ملح بعيوني احطن ونسة حتى النوم
اخافن بالمنام طيوفك تجييني
اذا شافتك عيني وفرحت بملكاك
والله اتبره منهه وهاي موعيني
واذا صافحك جفي بحجة الخملان
اكص اثنين اديه يساري ويميني
واذا كالولي حبك يسري بالشريان
ثق بالله اكطع كل شراييني
واذا صاير شمس انه ابقه دوم بليل
وما ريد الضوة وبلظلمه خليني
تذكرمن لكيتك والعطش واليك
وكلتلي امعود اترجاك روييني
عصرت اجفون عيني وشلييت دموع
وشربتك بديه وانت تدرييني
ومن مرني العطش صرت انت جربة ماي
كصدتك معتني ومديت جفيني
وانت بكل وكاحة وكل صلافة عين
درت بجفوفي سم وردت تنهيني
تذب نفطك عليه وانه بيه النار
وتتحمه اعله ناري و ماتطفيني
وصرت محبس بديك وكمت بيه تسوم
ساعة تبيع بيه وساعة تشريني
اظل خصمك وفضحك حتى من اتموت
على كبرك أخطن بايك اسنيني

 

[Ms. Houda]

رد: اريد أعلن حداد وللعشك ماعود

يعطيكم العافية
طرح مميز وممتع
بانتظار القادم
تحياتي وخالص احتراماتي

 

[أنثى المطر]

رد: اريد أعلن حداد وللعشك ماعود

حروفك رائعة جدا
عاشت يداكِ قمر

 

[mohammed.shams]

رد: اريد أعلن حداد وللعشك ماعود

لجهودكم باقات من الشكر والتقدير
على المواضيع الرائعه والجميلة

 

[mohammed.shams]

رد: اريد أعلن حداد وللعشك ماعود

لجهودكم باقات من الشكر والتقدير
على المواضيع الرائعه والجميلة

 

[✿قہہمہہر✿]

رد: اريد أعلن حداد وللعشك ماعود

نورتوااا

 

[آهات حالمه]

رد: اريد أعلن حداد وللعشك ماعود


يعطيك العافية و تسلم الايادي
على هذا الطرح الجميل
في انتظار لكل جديدك دوما

 

[✿قہہمہہر✿]

رد: اريد أعلن حداد وللعشك ماعود

منورررة