اسد الله الغالب

[ابو مناف البصري]

السلام عليك يااخا رسول الله نبارك الولادة الميمونه لامام علي اسد الله الغالب
اقول وليس شاعر :-
اشكثر مرت قرون ومرت اسنين
واسمك ياعلي عاش اوي الوجود
القرون انكظت وراحت سلاطين
وطًواغيت انتهت وماضل لها اوجود
وبقيت انته علي وانته ابو الحسنين
وتحضر بالشدايد وانته ابو الجود
يكولون اليحبك مو حجي لسان
لان حبك ابفطرة بدمنه موجود
علي كون الاكوان وبرزخ الكون
وعلي الدنيه وسماها المالها حدود
وعلي در الدرر وابواب العلوم وعلي باب السراط
لغيره مسدود
وعلي هو قسيم الجنة والنار والله نصبه عد حوض الورود
وعلي الضده خسر والحاربه خاب
وعلي الضده صلاته وصومه مردود
علي باب المراد وراعي الحوض
علي هو الولي ومن الله موعود
علي اية تبارك واسم ياسين وعلي
ادم ونوح وصالح وهود
وعلي هارون موسى اوي النبي صار
اوزير احمد الهادي وكلها اله اشهود
علي نبع الرسالة وساس للدين
ماطخ للاصنام لغير معبود
علي امهى بحياته ونام بفراش النبي
من جان النبي بالجتل مقصود
انسلت فوك راسه سيوف ورماح وماهاب العدد ولا كثر الحشود
علي سيف الاسلام وغيره مو سيف
وعلي عين النجابه وماخذ الحيف
وعلي للفقره عون وكارم الضيف
وعلي هو علي ماغيره موجود
وعلي هو علي ما غيره موجود

 

[الشيخ]

السلام على امير المؤمنين علي بن أبي طالب

احسنت ابو مناف

 

[جنون العاطفه]

السلام عليك يا مولاي يا ابا الحسن

أحسنت عموو ابو مناف بميزان اعمالك