أسولف بيك أحس ترتاح الجروح
واإذا نامن أفززهن بديه
وأجيك اخر نفس بمطالع الروح
أسابك لا تسابكني المنيه
ياذباح كووم اتلكَه مَذبوح
واختم كل عذابه أبهل مسيه
أنت العَلمتني الونه والنوح
عجيب إوعَلميتك تقسي بيه!!
ونفس ذاك السؤال الهسه مَطروح
يريد اِجواب ضَل ايلح عَليه
اشعَجب لَغزك عَلينه حَله مَمسوح
وشنو سرك اَبهاي الجاذبيه!
تِجذبني الخَيالك وين ما اروح
قَضيه ودايخ ابهاي القَضيه!!
اروح اني الغَرب والمشرق اتروح
والكهَ اثنينه نِمشي سويه!!
