هذا نه
هذانه عشير الظيم هذا انه
مثل طير وهراه البين ينشد وين جنحانه
مثل مفطوم من الديس كوه وكبل ميحانه
يحن لمه .
وصبر بالديس مر ويلذع السانه
ولاذ بلكمه ماتنلاج لابخت حنين الديس .. لاهودت نيرانه
وروحه معلمه اعله الظيم ماتنسه ربه احصانه
ولو فاركت حظن الظيم ..تصرخ حيل بردانه
واحب الاه وتحبني
وسمرنه يطول ميدانه
احب الاه وتحبني ....مثل حب الشلب للدهله وطيانه
مثل حبج يشطره
الجدول الغراف هذا البيه هيمانه
الفتحتيله الدليل وصار بين احشاج نيشانه
يكلبي...
اشما يريد يزود همك زيد بنيانه
حط للعين لاتغفه .... وسط مشحوفك وطرفه
على الدوسات والجفه ..... يكلبي وبالك الدفه
يكلبي الدفه غركانه
واذا مشحوفك توازه ...
وغرف من ماي عدوانه
اتحسسر.......واستغيث باه ....للهم تخفظ اوزانه
وفيه الاه ...وتوافي ....... الشجي العافوه خلانه
اشحلات الاه من تنجر ....... مع الياويل بغنانه
اشحلات الاه من تنجر صدك من ريه تلفانه
تردك وين @
للممه لمن شحت والاه تعود ويانه
تذكرنه اعله صبر الديس والكاروك وصبانه
تذكرك بالهو ذاك البعدهي اثاره بلهانه
وتردنه وترجع ويانه
نجر اه ابدرب رحلة عذاب ولوعة اجلانه
نجر الاه انه وكلبي اعله وكت الجار واضنانه
اعله قسمتنه.....اعله كتبتنه
الكتبها الله سبحانه
وحرت مره.....
وكلت للروح ..... ...ريحيني يتعبانه
ارد انشدج ..
ها ولج ياروح....هم بهالوكت فد يوم فرحانه؟
احلفت ..
كالت وحك الاه ...
مامره الفرح مرني ولا طبيت ديوانه
ولا غنوة فرح مره بطرب وبكيف سمعانه
وبجت روحي
وبجه كلبي على جروحي
وبجيت انه وكثر نوحي ..
وحتى الاه صاحت اه لمن سمعت ابجانه
وذاك انه هذاك انه
مثل طير وهراه البين ينشد وين جنحانه
م ن
للشاعر ناظم عبد حمود
هذانه عشير الظيم هذا انه
مثل طير وهراه البين ينشد وين جنحانه
مثل مفطوم من الديس كوه وكبل ميحانه
يحن لمه .
وصبر بالديس مر ويلذع السانه
ولاذ بلكمه ماتنلاج لابخت حنين الديس .. لاهودت نيرانه
وروحه معلمه اعله الظيم ماتنسه ربه احصانه
ولو فاركت حظن الظيم ..تصرخ حيل بردانه
واحب الاه وتحبني
وسمرنه يطول ميدانه
احب الاه وتحبني ....مثل حب الشلب للدهله وطيانه
مثل حبج يشطره
الجدول الغراف هذا البيه هيمانه
الفتحتيله الدليل وصار بين احشاج نيشانه
يكلبي...
اشما يريد يزود همك زيد بنيانه
حط للعين لاتغفه .... وسط مشحوفك وطرفه
على الدوسات والجفه ..... يكلبي وبالك الدفه
يكلبي الدفه غركانه
واذا مشحوفك توازه ...
وغرف من ماي عدوانه
اتحسسر.......واستغيث باه ....للهم تخفظ اوزانه
وفيه الاه ...وتوافي ....... الشجي العافوه خلانه
اشحلات الاه من تنجر ....... مع الياويل بغنانه
اشحلات الاه من تنجر صدك من ريه تلفانه
تردك وين @
للممه لمن شحت والاه تعود ويانه
تذكرنه اعله صبر الديس والكاروك وصبانه
تذكرك بالهو ذاك البعدهي اثاره بلهانه
وتردنه وترجع ويانه
نجر اه ابدرب رحلة عذاب ولوعة اجلانه
نجر الاه انه وكلبي اعله وكت الجار واضنانه
اعله قسمتنه.....اعله كتبتنه
الكتبها الله سبحانه
وحرت مره.....
وكلت للروح ..... ...ريحيني يتعبانه
ارد انشدج ..
ها ولج ياروح....هم بهالوكت فد يوم فرحانه؟
احلفت ..
كالت وحك الاه ...
مامره الفرح مرني ولا طبيت ديوانه
ولا غنوة فرح مره بطرب وبكيف سمعانه
وبجت روحي
وبجه كلبي على جروحي
وبجيت انه وكثر نوحي ..
وحتى الاه صاحت اه لمن سمعت ابجانه
وذاك انه هذاك انه
مثل طير وهراه البين ينشد وين جنحانه
م ن
للشاعر ناظم عبد حمود
