اصبر يا وطن يابو الحضارات .. بقلمــيي

[מـلـ♥ـڪ ألـבـ♥ـب ألـמـ♥ـدريـدي]

صباح الخير اخوتي واخواتي الاعزاء

صباحُ معطر برضا وغفران وعفو من الرحمن

شلونكم يالغوالي .؟
مشتاقلكم يالطيبين

اعذروني ع الانقطاع بس ماعندي وقت ادخل للمنتدى الدوام وبعض الامور ضيقه عليه الوقت جداً

وبعد الغياب

اقدم لكم قصيدتي المتواضعه بعنوان

[ اصبر يا وطن يابو الحضارات ]




اصبر يا وطن يابو الحضارات
اوعدك ترجع انت واحسن من الفات
لتظن انه اتركك يوم وادري رح تزيد هموم
بس ما ابتعد عنك لا ابد هيهات
لك انت عراق شلون تبجي تريد
مو لازم نعزي ابن الشهيد المات
نسويله عراضة وندبج بهوسات
زفينا بصاية حيدر رح نصيح اليوم
والينذكر يم اسم حيدر هم تعتقد مات؟
اصبر يا وطن صدكني والله تهون
سنين المضن بعون الله رح تنعاد
مابيها خلاف وخوف يملي البيت
ومابيها طفل من ايده هم ينگاد
ومابيها دمع يحفر بهالخدين
ولا بيها عوائل تبجي بالاعياد
ولا ام تلطم ع الوليد الراح
ولا ابو يلكه الجرح بالمرصاد
رح ترجع عراق تهابك الاوطان
وهيهات دمك بعد هم ينزف
نتعاهد بخوه ياوطن نبنيك
ونمحي الطائفيه البيها نتچتف
نبعد هالسلاسل عن الايدين
وعراقي انه بعالي الصوت هم نهتف
السني يحلف وحكك يا ابو الحسنين
والشيعي بعمر وبعثمان هم يحلف



احترامي وتقديري لشخصكم الكريم

 

[عازف الصمت]

رد: اصبر يا وطن يابو الحضارات .. بقلمــيي

عاشت الايادي

ع الابداع

ودي قبل ردي

 

[وردة الصحراء]

رد: اصبر يا وطن يابو الحضارات .. بقلمــيي

الله عليك اخي

عاشت ايدك يارب يحمي العراق

من شماله الى جنوبه

تحياتي لك ياراقي

 

[حكاية روح]

رد: اصبر يا وطن يابو الحضارات .. بقلمــيي

لَلإبَدَاعٍ وقْفَةٌ أخْرى بَيْن يَديْك
فكَلِمَاتك لَآمَستْ احْ ـــسَاسِيِ
وطَرحَك فَرِيْدٌ مِنْ نَوْعه
شَاهَدْتُ بُوحآً
يَنْزِفُ ترانيماً عذبة
بحق رَاقَتْ لِيَ سُطُوْرك الْجَميلَة
كُلْ الشُّكرْ لأَنآملك
لروحك وهج النجوم
ولآنفاسك عبق الورود
ولكـ ودي وجنــائن وردي

 

[מـلـ♥ـڪ ألـבـ♥ـب ألـמـ♥ـدريـدي]

رد: اصبر يا وطن يابو الحضارات .. بقلمــيي

ممتن لحضراتكم اخوتي واخواتي الاعزاء

شرف لي هو تواجدكم في متصفحاتي المتواضعه

لم يكن للقصيدة طعم لو لا تواجدكم العطر فيها

انرتو متصفحي المتواضع احبتي

احترامي وتقديري لشخصكم الكريم