اصعب كسره چانت كسرة الخاطر

[mohammed.shams]

أنه ليليه ازت الشوف للضلمه
وتهيم الوحشه البروحي ويباريهه الوجع نسمه
وتهيم الناس البعيني وافيض من الضوه نافوره للنجمه
يخلص بالوجع ليلي واكولن ياجفن فز وذكر حلمه
خلص عمري احرگ بروحي واضوي دروب وادم تعرف من الشوف بس اسمه
من شفت النظر بالعين گلت اعمه
ومن شفت السكوت متاع للظالم فتت چلمه
اچذب كل نبي ماشاف حريته بنزف دمه
ضاگت الوطن ذمه
نرسم من شضايا اليوم جسر من الرماد ونعبر لباچر
نرد للطيف مادام الحلم شباچنه لباچر
ومادام الدرب ظلمه تواليه نشع ضويات
السچچ بالليل تهوى عيون اليسافر
الدمع وكت الصدگ شاعر
شكثر كسرات
واصعب كسره چانت كسرة الخاطر
شكثر لچمات ونگول الفرح باچر
ياروحي شبعد باچر
ياروحي البچي لايگ للمضيعين واحنه ولام
ياهو الي يعوضني خساراتي الدموع بيا سعر تنسام
ياچيله التوديني على احبابي واجيهه بلهفة المحتام
طيرة الروح مسجونه وشفت شباچهه بصدري
وشفت حزني يشيعني گبل لا اموت والچتال مايدري
مايدري اليشم دخان هذا المحترگ عمري
مثل السنبله التتنطر الذباح يكبر بالمطر عمري
ويخضّر بالدفن عمري
وارد وارسم وطن حر وشعب مرتاح بأحلامي
وآنه الموت بعيوني نهر يجري .....








مصطفى الخزاعي

 

[mohammed.shams]

اصعب كسره چانت كسرة الخاطر​

 

[قيصر الحب]

دااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير