اعتبرة هذا اخر ردع/حصرياا

[الشاعرعامرالعراقي]

اعتبرة هذا اخر ردع

الروح بيك ملولحة
من جنت وي روحي ربع
من جنت اكلك وردتي
واسكيك من عيني دمع
كطعت اوصال الامل
وصوتك بعد ماينسمع
نمت بحضن غيري ورحت
وصاير بعد ماتنجرع
يالمادرت وجهك علي
الا بوكت كسر الظلع
حطيتني لكمة بحلك
شامت واكلني وماشبع
بس جان الابأذني كطن
وهم صابني منهم وجع
والهسة اداوي وماطبت
حسبالك انسى واقتنع
لاهاي ترجية الك
علكها بذنك ياضبع
طبعك كرهتة موحلو
مو تدري احب اعلة الطبع
موتدري اني ابقى علم
عالي وميحتاج انرفع
ناسيك بالي ومايحن
لو تشعل العشرة شمع
لو تنثر دروبي ورد
لو تكعد براس الفرع
او لو صرت انت الهوى
هم بيدي اكطعنك كطع
ماحب اطردك لاترد
واعتبرة هذا اخر ردع
لو خانني يوم اصبعي
من جفي اشلعنة شلع

بقلم
عامرالعراقي

 

[اموري العراقي]

رد: اعتبرة هذا اخر ردع/حصرياا

شعر شعبي جميل...

عاشت ايدك اخي عامر ..

تقيمي واعجابي ونجومي لحضرتك ..

 

[صوُتْ آنثوّيْ]

رد: اعتبرة هذا اخر ردع/حصرياا

للأبداع لغة لا تصاغ سوى بالمعاني الجميلة
ولا يترجمها سوى اروع الحروف
ولا نستطيع بثها سوى بالتميز,,
فكم هي جميله كلماتك سلمت اناملك."​

 

[الهادئة]

رد: اعتبرة هذا اخر ردع/حصرياا

كلمات جميلة
دام ابداعك
وادمت للمنتدى عنوووان

 

[قيصر الحب]

رد: اعتبرة هذا اخر ردع/حصرياا

كالعادة ابداع رائع
وطرح يستحق المتابعة
شكراً لك
بانتظار الجديد القادم دمت بكل خير

 

[البرآق]

رد: اعتبرة هذا اخر ردع/حصرياا

سلمت ها الايادى
على جمال وروعة هذا الاختيار
الراقي والمميز .