اعددلك شكو بجسمك مسامات
أريد وياك أفتح باب العتاب
وأكفر بالعشگ لو گتلي سده
تنام أبلا مخدة ويخلص الليل
وأني كلساع شابگلي مخده
صاير ما تحس كلش هلأيام
وحيل أتغيرت بيك الموده
تجر گلبي وتحبسه بطرف الرموش
لاعينك تشده ولاتهده
ولو خصرك سفينة وصدرك شراع
وتخدر كل هوة بصدرك تصده
بس لاتنتفخ كلش على هواك
لانغرگ ولك يسمر تهده
آني أشگد أجيتك كفر الباب
من گد ما ألي تفتحه وتسده
وانتَ ولا أجيت بيوم يهواي
حتى بالعشگ گاظيها خده
هاي وياك صارت وحده يهواي
وأمس بالليل هم مطلوب وحده
كلشي الزين بيك وكلشي مو زين
حچيته وبالهوى ظليت أهده
أشوف الزين كله الأذنك أيروح
والموزين من يمك تعده
يسباح الشواطي أشبدلك شوك
ليش أتغيرت مو چنت ورده
وأشوف الناس گالت هذا يهواك
وعليك أيدور وجهة أشما تعده
گلت لاكَي حلو مو وجهه اليدور
خده أيدور حتى أيبوس خده
وجناتك شمس تحرگ بالگلوب
والما يحترگ يحترگ جده
احترگ جدي بهواك وشيب الراس
نسيت أشلون كل ذيچ الموده
شتگل للناس ما يعرفني چذاب
ولا شعري لعب جولة على زنده!!!
وآني الچافي العمر من فتحة الزيج
والليمون فوگ أچفوفي نده
اعددلك شكو بجسمك مسامات
وأسميهن بسمهن وحده وحده
مو آني أعرفك وكلشي البيك
بس الخالقك ظليت أعبده
تذكر من چنت تتشابگ وياي
شعرك روج أحسه وچتفي سده
يشدني وأرد أشده وما أشد شي
لأن خيط الشمس محد يشده
منقول
أريد وياك أفتح باب العتاب
وأكفر بالعشگ لو گتلي سده
تنام أبلا مخدة ويخلص الليل
وأني كلساع شابگلي مخده
صاير ما تحس كلش هلأيام
وحيل أتغيرت بيك الموده
تجر گلبي وتحبسه بطرف الرموش
لاعينك تشده ولاتهده
ولو خصرك سفينة وصدرك شراع
وتخدر كل هوة بصدرك تصده
بس لاتنتفخ كلش على هواك
لانغرگ ولك يسمر تهده
آني أشگد أجيتك كفر الباب
من گد ما ألي تفتحه وتسده
وانتَ ولا أجيت بيوم يهواي
حتى بالعشگ گاظيها خده
هاي وياك صارت وحده يهواي
وأمس بالليل هم مطلوب وحده
كلشي الزين بيك وكلشي مو زين
حچيته وبالهوى ظليت أهده
أشوف الزين كله الأذنك أيروح
والموزين من يمك تعده
يسباح الشواطي أشبدلك شوك
ليش أتغيرت مو چنت ورده
وأشوف الناس گالت هذا يهواك
وعليك أيدور وجهة أشما تعده
گلت لاكَي حلو مو وجهه اليدور
خده أيدور حتى أيبوس خده
وجناتك شمس تحرگ بالگلوب
والما يحترگ يحترگ جده
احترگ جدي بهواك وشيب الراس
نسيت أشلون كل ذيچ الموده
شتگل للناس ما يعرفني چذاب
ولا شعري لعب جولة على زنده!!!
وآني الچافي العمر من فتحة الزيج
والليمون فوگ أچفوفي نده
اعددلك شكو بجسمك مسامات
وأسميهن بسمهن وحده وحده
مو آني أعرفك وكلشي البيك
بس الخالقك ظليت أعبده
تذكر من چنت تتشابگ وياي
شعرك روج أحسه وچتفي سده
يشدني وأرد أشده وما أشد شي
لأن خيط الشمس محد يشده
منقول
