اعذرني

[آهات حالمه]

اعذرني
حزن روحي يفيّضني وافز غرگان!
حزن يتكسّر بعيني
حزن ماغاسله النسيان
حزن يندار بظنوني
حزن مشتول عالبيبان
الدمع الاسود وره غيابك يردني انسان
أعذرني العشگ نيشان

يالماشايف دموعي
الك بيّه بواچي الوان

كونك تسمع ليا صوب
صوتي يفزّع الدنيه حزن غرگان
ليليه احرگ بروحي
ويشب وجهك وره الدخان

عجب ذاك التراب اليروه بدموعي ولاخضّر على رموشك غصن للشوف؟
عجب يالنومتك طالت
ولاجاسك سراب طيوف
وعجب يم دورة عيونك
ولاتنگال سورة خوف
ولانجمه تسامر وحشة الحيطان
وتعبر لهفتي المصلوبه عالشباچ وتندهك صلاة چفوف

واصابيعي سجن وجهي وتصاويرك بعيني تطوف

اعذرني السنين سيوف

تذبحني الغباشي المرّن بلياك
شتله وغاب من عدهه الضوه والمي

العمر مبيوع سفره من الشمس للفيّ

العمر يلتم وره غيابك
وينطش نذر للملگه
أنه كلبي نذر لليشتري الخفگه
وذرعاني نذر لليشتهي الشبگه
هذا انه هويت الناس لعيونك يبعد الناس
ياتالي النفس ياصوغة الشهگه
ماظنيت مثل الغبشه ناوي تروح
وحدر عينك بگايه احلام محترگه

وماظنيت
وماظنيت
يشباچ الظنون تفتحك السكته
ويموّال الحنين تبوگك السكته
واغطي الـ اه بالضحكه
واكولن ماتموت انته

تطفه اعله الرمل گطره
وتطگ فوگ الرمل نبته
واگول انته
شما يلمع ضوه بظهر الضباب المر بالولايه
اگول انته







مصطفى الخزآعي

 

[رمااد اانسان]

يسلمووو على الاختيار الموفق والمجهود
أرق تحية طيبة

 

[آهات حالمه]

شكرا للمرور الجميل
لاحرمت الطله العطرة