اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

أكتبلك حبيبي وبالكَلب شوكَـ
انته نبض عمري وانته عنوانه

مسكينة العيون الإلك مشتاكَات
وضحكاتي البريئة البيك ولهانه

ملتهبة القوافي وبيك مجنونات
ناار الحُب شعلهه ومنهه نيراانه

يمر بيهه الشته وما تعرف اتهيد
وقوافي النااس كلهه تصيح بردانه

من يكتب غزل عاشكَـ عرف الأحزان
مو مثل الغزل من ناس فرحانه

نار امن الكَلب وتدفي هذا الكون
وماتقبل أبد عالصاير اويانه

اطفيهه بجذب ومواعد الأحلام
ومايعبر عليهه وتبجي زعلانه

ماينفع أبد هيج احنه مبتعدين
ونخلص العُمر والروح حزنانه

نباوع ع الدروب وبينه مية آآآآآه
ونعاتب بالزمن ويكَول مو آنه

تعال أكَرب حبيبي وخل اشمك حيل
صدكَني اعله غفله الدنيه خلصانه

بقلم مُخلد

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

مربيه لحظه حبيبي .بيك تتكحل عيوني

بدونك الدنيا ضلمه ..والكلب مهموم
احس شوفتك عيدي.وحس بهاي
احسك عشك ساكن بيه .وبروحي دوم

 

[ملاذي وتنتهي يمك جراحاتي]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

عل الخيانه شكثر جنت اقراء قصص

وعل اليخون شكثر ادعي بروحي

جنت اكول فلام هذه وماكو هيج

وهسه انه من الخيانه مالكيت اعلاج يشفي اجروحي




ملاذي​

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

شد جرحك ياكلبي .ماكو اليضمدك
ولا تخلي جروحك .بالليل توون
اه شكد سؤالف مسجونة .بروحي
لا تخلي دكاته.حتى بسكوت تحن

 

[بنت العز]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

يلا رحت لغيري
ترى غيري ما يحبك
مو مثلي غشيم يمشي عليه جذب
بقلمي لان

 

[بنت العز]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

بقلمي الان هع شنو لان فعل مضارع قابل خووش سحكه

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

بيه شوك.يخلي البركان .يوج..
وبيه اه.تخنك .كليبي حسرة
بيه.نفس يصعد .وينزل بحبك
وبيه عيون ملهوفه .للنظرة..
احسك بكلبي عايش من زمان
وكلبي بغرامك.خلص عمرة...
روحي تشتهي ملكاك.حبيبي
احس الشوك.صاير جمرة...

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ملاذي .. فاتنة .. بنوته

منوورين بأشعاركم الحلووه ياورود

....

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

لا ماكو سحكَة ام سيوفي .. بسيطة هاي يمعوده ههههه

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تحجي عالخيانه ضحكتني اهواي
سبحانك الهي شبيهه هالناس؟

يحجي ويتهم ويطلعك غلطان
وبناسك يخلي 100 الف وسواس

كالوهه قبل ومعروفه بالامثال
مختلفه البشر والناس أجناس

منهم من يصون العهد وياك
ومنهم من يخون وماكو احساس

ومنهم للصدق والطيبة عنوان
ومنهم لا شرف لا نخوه لا نوماس

ومنهم معدنه مايسوه فلسين
ومنهم بالطبع ياقوت والماس

معروفه المواقف وكُلشي مكَيول
وعلى طاري المواقف عندي مقياس

اذا اليمك يخون الملح والزاد
ترى الآلاف يمه تبقى نبراس

واذا شفت اللواكَه يمك اهواي
ترى اهوايه طبعهم طبع أنجاس

واذا يمك عزيزي كولهم يخونون
أنا اليمي وفاء وتاج ع الراس

واذا اليمك كفر عالبشر محسوبين
أنا معاشر ملاك بكَصته ينباس

واذا اليمك حثاله وهددك يوم
انا العندي ملك كُل هايه الأنفاس

وأحجيلك مفيد وأختصر وياك
وخلي المعنى يمك يضرب أجراس

اذا كُلمن كتب بالشعر حرفين
وكال آني الأمير وعندي حراس

خل نعلن حداد وننصب الصيوان
مات المعنى كُله ومات الاحساس

بقلم مُخلد
الآن